Frjáls verslun - 01.03.2008, Blaðsíða 20

20 F R J Á L S V E R S L U N • 3 . T B L . 2 0 0 8
Forsíðugrein
1. Er krónan svo veikur gjaldmiðill að hún sé orsök þess að Ísland
er orðið fórnarlamb alþjóðlegs fjármálasamsæris og að nokkrir
erlendir vogunarsjóðir geti haft örlög íslenska bankakerfisins í
hendi sér?
Krónan er smæsti sjálfstæði gjaldmiðill veraldar. Erlendir gjaldeyr-
isspákaupmenn ráða yfir um 800 milljörðum króna sem er nærri
75% af þjóðarframleiðslunni. Ljóst er að skyndilegar aðgerðir þeirra
geta haft veruleg og varanleg áhrif á íslenskan efnahag og íslenskt
bankakerfi.
2. Ef Ísland er orðið fórnarlamb fjármálasamsæris, ýtir það þá
ekki undir þá kröfu að þjóðin skipti um gjaldmiðil hið fyrsta og
gangi jafnvel í Evrópusambandið?
Fyrirtæki og einstaklingar þurfa stöðugan og traustan gjaldmiðil
sem dregur úr sveiflum í efnahagslegu umhverfi en magnar þær
ekki. Stöðugleiki er forsenda þess að viðskipta-, framkvæmda- og
greiðsluáætlanir fyrirtækja standist og er forsenda þess að eðlilegt og
fjölbreytt atvinnulíf fái þrifist.
BJÖRGÓLFUR THOR BJÖRGÓLFSSON
fjárfestir og stjórnarformaður Straums
Þarf stöðugan og traustan gjaldmiðil