Frjáls verslun - 01.03.2008, Blaðsíða 95

lífsstíll
F R J Á L S V E R S L U N • 3 . T B L . 2 0 0 8 95
Æskumyndin er af
Steinunni Valdísi
Óskarsdóttur
alþingis manni. Hún
segist líklega hafa
verið sex ára þegar
myndin var tekin í
jólaboði.
„Eins og flestir
krakkar á þessum
aldri var ég enda-
laust úti í leikjum með krökk-
unum í hverfinu. Ég var líka
mikill bókaormur, las allt
sem ég komst í og
stundaði bókabílinn
mikið. Ég var fljót að
læra að lesa og fyrir
10 ára aldur hafði
ég lesið Guðrúnu
frá Lundi og bækur
Margit Ravn sem
segja frá ástum og
ævintýrum ungs fólks
á stríðsárunum í
Noregi. Bækurnar um Hjalta
litla eftir Stefán Jónsson voru
þó í sérstöku uppáhaldi.“
Æskumyndin
Bryndís Hlöðversdóttir, aðstoð-
arrektor og forseti lagadeildar
Háskólans á Bifröst, býr í
Borgarnesi svo að stutt er í
fallega náttúru bæði frá heimili
og vinnustað. Hún á íslenskan
fjárhund sem heitir Vaskur og
hún tekur hann gjarnan með
sér í gönguferðir.
„Ég fer í lengri göngur upp
á fjöll eða uppi á hálendinu á
sumrin,“ segir Bryndís. Þess
má geta að hún á sumar-
hús í Hnappadal og þar eru
aldeilis tækifærin til að fara
í göngutúra í fallegri náttúru.
Bryndís er búin að skipuleggja
ferð í sumar með vinum sínum
á því svæði. „Þetta er dágóður
hópur sem hefur farið í fjall-
göngur nokkur ár í röð.“ Þá er
búið að skipuleggja veiðiferð
við Svarthöfða sem er við Hvítá
í Borgarfirði, en Svarthöfði er
með fallegri og friðsælli stöðum
sem maður kemur á.
„Mér finnst útivera gefa mér
mikla orku en ef mann vantar
orku og andlega hvíld þá er
gott að fara í göngutúr út í
náttúruna.“
Bryndís ætlar með 10 ára
tvíburasonum sínum í tveggja
vikna ferð til Krítar í sumar.
„Ég pantaði ferðina einn óveð-
ursdaginn í janúar.“
Bryndís Hlöðversdóttir.
„Mér finnst útivera gefa
mér mikla orku en ef
mann vantar orku og
andlega hvíld þá er
gott að fara í göngutúr
út í náttúruna.“
Útivera:
Gefur orku