Frjáls verslun - 01.03.2008, Blaðsíða 82

82 F R J Á L S V E R S L U N • 3 . T B L . 2 0 0 8
Stafrænt heimili
F lest heimili í dag eru hönnuð með það markmið í huga að í nánast öllum herbergjum eða rýmum sé gott aðgengi að rafmagni, síma og tölvu-
tenglum. Síminn hefur efnt til samstarfs við fagaðila í
byggingariðnaði sem skilaði upplýsingum um það hvers
konar lagnir og búnaður þurfi að vera til staðar svo fólk
fái notið allra þeirra möguleika sem stafræn heimili geta
boðið núna og í náinni framtíð. Þetta geta hönnuðir
nýtt sér og jafnframt fólk sem ætlar að hanna sín heim-
ili frá grunni.
Sævar Freyr Þráinsson, forstjóri Símans, segir að á
stafrænu heimili sé meðal ann-
ars gert ráð fyrir lögnum fyrir
Internet, sjónvarp, öryggis- og
stýrikerfi, að allur búnaður
sé staðsettur miðlægt og að
aðgengi að þeirri þjónustu sem
fólk kýs sé með einföldum
hætti. „Einfaldleikinn skiptir
miklu máli og er skýlaus krafa
notenda.“
Sem dæmi um möguleikana
á stafrænum heimilum er að Internetgáttin er orðin
eins og margmiðlunarstöð heimilisins. „Internetteng-
ingar til heimila eru sífellt að verða bandbreiðari og í
sama takti vex bandbreiddarþörf heimilanna. Tónlist,
kvikmyndir og annað stafrænt efni hefur að und-
anförnu færst yfir á tölvur sem auðveldar geymslu
og aðgengi að efninu. Einnig hefur önnur þjónusta
eins og t.d. talsímaþjónusta færst í auknum mæli yfir
á Internetið með lausnum eins og VoIP, Skype og
Tölvusímanum. Tölvan er þess vegna að breytast í eins
konar miðstöð heimilisins fyrir skemmtun, samskipti
og nálgun upplýsinga. Með einföldum hætti er svo
hægt að tengja tölvurnar við sjónvarpstæki og stýra í
gegnum sjónvarpið öllu efni og lausnum sem geymdar
eru í tölvunni.“
Nýir kostir við hvers kyns upplýsingaöflun
Stafrænt heimili snýst þó ekki eingöngu um aukið
skemmtanagildi því upplýsingarnar sem Síminn hefur
sett upp fyrir stafræn heimili gera ráð fyrir þjónustu
frá öryggisfyrirtækjum og að íbúar geti sett upp ýmsar
stýringar eins og ljósa-, hita-, hljóð- eða myndstýringar.
Þetta hefur í för með sér að hægt er að stjórna heimilis-
tækjum og ljósum með rofum, snertiskjám, fjarstýringu,
tölvu og jafnvel farsíma þannig að viðkomandi þarf
t.d. ekki einu sinni að vera heima hjá sér til að slökkva
öll ljós í íbúðinni. Með miðlægu hljóðkerfi er hægt að
skilgreina mismunandi svæði
í húsnæði og stýra hljóði eða
tónlist á hverju svæði fyrir sig.
Þannig gæti t.d. hljóðrás frá
sjónvarpinu verið stillt í sjón-
varpsrýmið, útvarp með frétt-
unum í eldhúsið, jazztónlist á
baðherbergið og poptónlist í
barnaherbergin á sama tíma.
Með stafrænu heimili opn-
ast fólki nýir kostir við hvers
kyns upplýsingaöflun. Maður sem horfir á sjónvarp
getur fundið hvers kyns ítarefni um það sem glæðir
áhuga hans hverju sinni hvaðan sem er úr íbúðinni.
Upplýsingaþjónusta sem er aðlöguð áhugasviði hvers
heimilismanns verður til reiðu. Dæmi um þetta er fjar-
kennsla. Á stafrænu heimili er hægt að setja upp mynd-
símafundi og þannig að taka þátt í kennslustundum
þótt menn séu staddir heima hjá sér. Ýmis önnur
upplýsingaþjónusta tengist stafrænum heimilum. Má
þar nefna fjargeymslu upplýsinga þar sem menn geyma
mikilvæg gögn á fjarlægum stað, t.d. hjá fyrirtæki eins
og Símanum. Þetta eykur gagnaöryggið til muna. t.d.
eyðileggjast ekki fjölskyldumyndirnar þótt vá beri að
höndum á heimilinu. Síminn býður nú þegar upp á
þessa lausn sem kallast Safnið en þeir sem hafa aðgang
Síminn
Upplýsingarnar sem Síminn
hefur sett upp fyrir stafræn
heimili gera ráð fyrir þjónustu
frá öryggisfyrirtækjum og að
íbúar geti sett upp ýmsar stýr-
ingar eins og ljósa-, hita-, hljóð-
eða myndstýringar.