Frjáls verslun - 01.03.2008, Blaðsíða 75
F R J Á L S V E R S L U N • 3 . T B L . 2 0 0 8 75
greint hve hratt grasið sprettur og þannig
fundið á sér hvenær tími er kominn til að
leggja af stað í nýjan slátturúnt – og sér-
stakur regnskynjari kemur í veg fyrir að
sláttuvélin vinni í of mikilli bleytu.
14. Vídeótökuvél
Á góðu hátækniheimili þarf að vera hægt
að skrásetja viðburðina rétt og eiga í
geymslu þannig að hægt sé að dunda
sér við að horfa á gömul heimavídeó eða
jafnvel klippa saman bestu bútana þegar
róbótar hafa loksins tekið yfir öll húsverk
heimilisins. Stafrænar vídeótökuvélar eru
orðnar afar nettar og handhægar, þær skila
betri myndum en áður og vídeóklippiforritin
eru sífellt að verða einfaldari. Því er senni-
lega ekki langt að bíða þess að slíkar vélar
verði næsta æðið, nú þegar hefðbundnu
stafrænu myndavélarnar eru komnar inn á
svo til hvert einasta heimili.
15. Leikjatölva
Hvert hátækniheimili verður að sjálfsögðu
að bjóða upp á öfluga leikjatölvu svo börn
á öllum aldri hafi eitthvað að gera þegar
sjónvarpsdagskráin stendur ekki fyrir sínu.
Annars eru „leikjatölvur“ svolítið villandi
heiti á ofurgræjunum sem nýjasta kynslóð
leikjatölvanna gat af sér. Til að mynda er
PlayStation 3 jafnframt Blu-Ray spilari, en
það er ný háskerpumynddisktækni sem
skilar margfalt betri mynd en hefðbundin
DVD-tækni. Þar að auki er nú hægt að
nettengja allar leikjatölvur og spila leiki við
aðra yfir Netið auk þess að vafra um Vefinn
rétt eins og í heimilistölvunni.
16. Rafdrifið geimfararúm
Það þýðir lítið að þykjast halda hátækni-
heimili og sofa svo bara á gömlu gorm-
unum. Rúmið verður því að vera rafdrifið
þannig að hægt sé að hækka og lækka
dýnuna eftir hentugleika. Ekki skemmir
heldur fyrir að hafa dýnuna af Tempur-gerð,
en það er tækni sem þróuð var af NASA
fyrir geimfara og er sérhönnuð til að láta
dýnuna laga sig að líkamanum. Hvað er
tæknilegra en að sofa í geimfararúmi?
17. Hitabeltisgróður í eldhúsinu
Nútímakokkurinn vill að sjálfsögðu rækta
sínar kryddjurtir sjálfur, sem getur þó verið
erfitt í norðangarranum. Þar kemur tæknin
til sögunnar, því með AeroGarden-græjunni
er komið örsmátt hitabeltisgróðurhús í
eldhúsið þar sem rækta má hvaða blóm
eða kryddjurtir sem óskað er. Tækið heldur
réttu birtu-, hita- og rakastigi og segja
framleiðendur að hægt sé að ábyrgjast
100% árangur, svo lengi sem eigendur
hlýða kalli tækisins þegar kemur að því að
vökva eða bæta við næringu.
18. Skjárbíó
Fyrsta skrefið í útrýmingu vídeóleigunnar
hefur verið tekið – nú þarf ekki lengur að
rölta út á leigu og hanga tímunum saman
fyrir framan spólurekkana, heldur er mynd-
efnið pantað beint í sjónvarpið með fjarstýr-
ingunni gegnum Skjárbíó. Það er eitthvað
afar framtíðarlegt við það að leigja mynd án
þess að þurfa að standa upp úr sófanum.
19. Stafrænir myndarammar
Að sjálfsögðu er ekki hægt að hafa venju-
legar útprentaðar ljósmyndir á hátækni-
heimilinu – allir myndarammar verða að
vera stafrænir, þar sem hægt er að hlaða
inn nýjum myndum eftir hentugleika og
jafnvel skipta milli mynda eftir árstíð, skapi
eða einhverjum öðrum duttlungum heimilis-
manna. Og það besta er að myndirnar
dofna aldrei – svo lengi sem skipt er um
rafhlöður reglulega.
20. Fljúgandi vekjaraklukka
Vissulega eru til ýmsar flottar aðferðir við
að vekja húsráðendur hátækniheimilisins,
eins og t.d. rúmið sem er með innbyggðum
vekjara sem lætur dýnuna titra þegar vekja
á þann sem sefur í því. En það er eitthvað
svo skemmtilegt við fljúgandi vekjaraklukk-
una að það er ekki hægt að ganga frá
henni. Um leið og hún hringir þeytir hún
þyrluspöðum upp í loftið og þeir fljúga eitt-
hvað út í buskann. Klukkan hættir ekki
að hringja fyrr en eigandinn hefur fundið
þyrluspaðana og komið þeim aftur á sinn
stað. Hátæknilegt? Vissulega. Og líka afar
gefandi í morgunsárið...
nauðsynlegir hlutir fyrir
hátækniheimilið
10
12
17
20