Frjáls verslun - 01.03.2008, Blaðsíða 40

40 F R J Á L S V E R S L U N • 3 . T B L . 2 0 0 8
Hann starfaði í tíu ár við bakstur, þar af
lengst af hjá Sveini bakarameistara heitnum
sem var kóngurinn í íslenskum bakstri á
þeim tíma. Þórarinn var 22 ára þegar hann
tók við stöðu yfirbakara og var farinn að
stýra framleiðsluhluta rekstursins, en hann
segist alltaf hafa átt gott með að stýra fólki
enda svakalega frekur. Það hafi verið mikill
skóli að vera yfirmaður fólks sem var mun
eldra og reynslumeira, en Sveinn hafi sýnt
sér mikinn stuðning og þeir hafi átt í góðu
samstarfi.
Árið 1992 var fyrirtækið komið í þrot og
var Þórarni þá boðið starf verslunarstjóra hjá
Domino’s, sem þá var að ryðja sér til rúms
Þ
órarinn Hjörtur Ævarsson tók við
starfi framkvæmdastjóra IKEA
haustið 2006. Áður hafði hann
starfað sem bakarameistari og yfir-
bakari hjá Sveini bakara og sem verslunar-,
framkvæmda- og rekstrarstjóri hjá Domino’s
á Íslandi og í Danmörku. Hann telur að
fyrsta úrræðið sem gripið sé til þegar sverfi að
eigi aldrei að vera hækkun og einblínir á að
reka fyrirtækið í góðu samstarfi við viðskipta-
vininn. Fyrir utan vinnuna slakar Þórarinn
best á við eldavélina þar sem hann galdrar
fram ljúffenga rétti ofan í fjölskylduna.
Eini hægrimaðurinn
Þórarinn fæddist í febrúar 1965 og ólst upp í
Kópavoginum. Foreldrar hans eru þau Krist-
björg Þórarinsdóttir og Ævar Jóhannesson,
sem starfaði sem tækjafræðingur hjá Háskóla
Íslands. Þórarinn er næstyngstur fjögurra
systkina en systkini hans eru þau Jóhannes,
Sigríður og Ólöf. Þórarinn segist hafa verið
afar fjörugur sem barn og eiga minningar
um góða æsku í vesturbæ Kópavogs sem þá
var óklárað og óskipulagt svæði með melum
og móum.
Hann var mikið á skíðum og frá sex ára
aldri var hann sendur í sveit á sumrin norður
í Skagafjörð. Sú reynsla segir hann að hafi
almennt verið holl og góð og hann hafi
sterkar rætur til staðarins sem hann heimsæki
á hverju sumri. Þrátt fyrir að vera næst-
yngstur í hópnum segist Þórarinn alls ekki
hafa verið verndaður og að hann hafi alltaf
verið dálítið utanveltu í hópnum, en í fjöl-
skyldu sem einkenndist af vinstrisinnum var
hann eini hægrimaðurinn strax frá barnæsku.
Því sé óhætt að segja að hann hafi aldrei farið
hefðbundnar leiðir í lífinu en um leið sé hann
ekkert endilega alltaf í stríði heldur frekar
fylginn sér þegar hann bíti eitthvað í sig.
Gott með að stýra
Þórarni gekk mjög vel í skóla þar til gagn-
fræðaskólanum lauk en þá fékk hann mikinn
námsleiða og fór að vinna sem verkamaður
á handskóflu og var við það í tvö ár. Á þeim
tíma má segja að örlögin hafi gripið í taum-
ana því Þórarinn fékk lungnabólgu og mátti
þar af leiðandi ekki vinna úti. Í veikindunum
heima við byrjaði hann fyrir rælni að baka
sem varð til þess að hann hóf iðnnám og er í
dag bakarameistari að mennt.
Þórarinn Hjörtur
Ævarsson, fram-
kvæmdastjóri IKEA.
n æ r m y n d
texti: maría ólafsdóttir • Myndir: geir ólafsson
Fylginn sér
og réttsýnn
Þórarinn Hjörtur Ævarsson, framkvæmdastjóri IKEA,
hefur verið tíður gestur í fréttum að undanförnu eftir að
hann lýsti því yfir að IKEA myndi þrátt fyrir gengisfall
krónunnar ekki hækka verð á vörum sínum fyrr en
nýr verðlisti kæmi út í haust.
Framkvæmdastjóri IKEA: