Frjáls verslun - 01.05.2007, Side 45

F R J Á L S V E R S L U N • 5 . T B L . 2 0 0 7 45
„Ég kynntist Hildi þegar ég hóf
störf hjá KPMG árið 1997. Hún
var yfirmaður minn eða lærimeist-
ari þann tíma sem við unnum
saman. Hildur er samviskusöm og
nákvæm, án þess þó að vera smá-
munasöm, og góður leiðbeinandi.
Hún er líka góður félagi, sem gott
er að leita til, og létt og skemmti-
leg. Hún vinnur mjög mikið en á
auðvelt með að sjá spaugilegu
hliðarnar á hlutunum og þar af leið-
andi getur verið mjög gaman að
vinna með henni.
Hildur er mjög mikill fagmaður
og á afar auðvelt með að greina
aðalatriði frá aukaatriðum. Hún
hefur mikla yfirsýn yfir þau verkefni
sem hún er að vinna og á auðvelt
með að deila þekkingu sinni með
öðrum starfsmönnum.
Sem yfirmaður á Hildur mjög
auðvelt með að aðstoða og leið-
beina fólki og er sérlega vinnusöm.
Ég held að sú þekking sem hún afl-
aði sér hjá KPMG hafi styrkt hana
mikið. Samviskusemi, dugnaður,
góð samskiptahæfni og yfirsýn eru
kostir sem hafa alveg örugglega
hjálpað henni að komast jafn langt
áleiðis og hún hefur gert.“
– Reynir S. Gylfason er endurskoðandi
sem vann með Hildi á KPMG
Hildur Árnadóttir er framkvæmdastjóri
fjármálasviðs Bakkavarar og varamaður
í stjórn Kaupþings.
Herdís Þorgeirsdóttir
prófessor á Bifröst
EFTIR SÆUNNI EIRÍKSDÓTTUR
Hildur Árnadóttir
framkvæmdastjóri hjá Bakkavör
EFTIR REYNI S. GYLFASON
„Ég hef stjórnað heimili Herdísar og fjöl-
skyldunnar eftir hádegi þrjá daga í viku
í fjóra vetur og ætla að halda því áfram
næsta vetur. Mér fellur afskaplega vel
við hana. Við erum báðar fremur stjórn-
samar, en okkur hefur auðnast að hafa
það þannig, að þegar ég sé um heimilið
ræð ég og þegar hún sér um heimilið
ræður hún.
Ég skipti mér ekki af því sem hún
gerir og hún skiptir sér ekki af mér og
tekur minni sérvisku reyndar vel. Mér
finnst ég heppin að hafa fundið konu
eins og hana til þess að vinna hjá. Kona
með fjögur börn á aldrinum 10-19 ára,
sem gegnir krefjandi starfi, þarf á konu
eins og mér að halda til þess að hugsa
um heimilið. Herdís ferðast töluvert
vegna starfs síns og þá sinni ég heimilinu
á meðan.
Herdís er ákaflega sanngjörn, maður
veit nákvæmlega að hverju maður gengur
þegar hún er annars vegar. Ef ég ætti
erfitt, myndi ég svo sannarlega leita til
hennar. Hún ber virðingu fyrir starfi
mínu og kemur vel fram. Svo er hún líka
skemmtileg.
Herdís er líka ein af örfáum mann-
eskjum, sem ég hef hitt um dagana, sem
er höfðingi í lund. Það er ekki algengt.“
– Sæunn Eiríksdóttir er ráðskona Herdísar
og var ritari ráðherra í 22 ár.
Herdís Þorgeirsdóttir er prófessor við
lagadeild Háskólans á Bifröst. Hún er vara-
forseti Evrópusamtaka kvenlögfræðinga,
starfar í lögfræðingahópi um framkvæmd
jafnréttislöggjafar fyrir Framkvæmdastjórn
ESB og á sæti í Feneyjanefnd Evrópuráðs-
ins.