Frjáls verslun - 01.05.2007, Page 212

212 F R J Á L S V E R S L U N • 5 . T B L . 2 0 0 7
K
Y
N
N
IN
G
Saga Capital var stofnað í október í fyrra af nokkrum fyrrverandi starfsmönnum íslensku viðskiptabankanna og völdum fagfjár-festum. „Við höfum öll rekið svona fyrirtæki áður og það reyndist
okkur því mjög auðvelt að byggja upp innviði fyrirtækisins, afla starfs-
leyfis og marka okkur stefnu. Okkur gekk vel að fá fjárfesta til liðs við
okkur og eigið fé bankans nemur um 10,6 milljörðum króna. Við erum
að gera það sem við kunnum best,“ segir Helga Hlín Hákonardóttir,
framkvæmdastjóri lögfræðisviðs Saga Capital og einn af stofnendum
bankans.
„Við leggjum áherslu á að miðla reynslu okkar í markaðsviðskiptum á
alþjóðlegum mörkuðum ásamt lánasviði sem fjármagnar stærri verkefni,
sem og fyrirtækjaþjónustu, til dæmis við samruna og yfirtökur. Einnig
tökum við virkan þátt í stöðutöku á alþjóðlegum mörkuðum.“ Saga
Capital einbeitir sér að fyrirtækjaverkefnum af stærðar gráðunni 500 til
5.000 milljónir króna. „Við erum að fylla skarð sem okkur finnst hafa
myndast á markaðnum eftir að stærstu bankarnir urðu stórir á alþjóð-
lega mælikvarða. Það varð til þess að millistór fyrir tæki hérna heima
sátu eftir og við teljum okkur vel geta veitt þeim þá þjónustu sem þau
þurfa, byggða á faglegum forsendum og gríðarlegri reynslu. Við höfum
stimplað okkur inn á markaðinn og ætlum að verða einn af lykilaðilum
á íslenskum fjármagnsmarkaði og látum einnig til okkar taka á erlendum
mörkuðum, enda erum við með aðild að öllum norrænu OMX kaup-
höllunum og afleiðumörkuðum þeirra og erum að sækja um víðar.“
Gott að vera á Akureyri Starfsmenn eru í kringum 25 og höfuðstöðvar
bankans eru á Akureyri. Helga Hlín segir suma hafa undrað sig á stað-
setningunni. „Í þessari starfsemi skiptir nákvæmlega engu máli hvort
fyrirtækið er staðsett á Akureyri, Húsavík, í London eða New York. Í
dag gera tækni og góðar samgöngur okkur kleift að vinna hvar sem er
og nánast hvenær sem er,“ segir hún sem sjálf er borin og barnfædd á
Akureyri og segir fjölskylduvænt og afslappað umhverfi með fjölbreytta
útivistarmöguleika skila sér í ánægðu starfsfólki og góðum afköstum.
Ungar konur þurfa fyrirmyndir Helga Hlín hefur, þrátt fyrir ungan
aldur, verið viðloðandi fjármálaheiminn lengi. „Ég byrjaði í þessum
bransa þegar ég var á fjórða ári í lagadeildinni, árið 1996, fyrst hjá
Verðbréfaþingi Íslands sem er Kauphöllin í dag, og færði mig svo
yfir í nýstofnaðan Fjárfestingabanka atvinnulífsins árið 1998 svo ég
þekki vel umhverfi nýstofnaðra fjárfestingabanka.“ Helga Hlín tók
síðar þátt í samruna FBA við Íslandsbanka árið 2000 en flutti sig yfir
til Straums-Burðaráss árið 2006 og starfaði þar þangað til hún kom í
stofnendahóp Saga Capital í upphafi þessa árs.
Hún segir að konur hafi ekki verið margar í fjármálaheiminum til
að byrja með en að það sé að breytast. „Konum hefur fjölgað mikið
á síðustu árum og vonandi verður framhald þar á. Ég held að það sé
mjög mikilvægt að gefa ungum konum fyrirmyndir og sýna þeim
fram á að það er þörf fyrir þær líka, alveg eins og strákana.“
SAGA CAPITAL FJÁRFESTINGARBANKI HF.:
Gerum það sem við kunnum best
Helga Hlín Hákonardóttir hefur þrátt fyrir
ungan aldur mikla reynslu úr fjármálaheim-
inum. Hún er framkvæmdastjóri lögfræði-
sviðs Saga Capital fjárfestingarbanka hf.
og einn af stofnendum bankans.
„Við erum að fylla skarð
sem okkur finnst hafa
myndast á markaðnum
eftir að stærstu bankarnir
urðu stórir á alþjóðlega
mælikvarða. Það varð til
þess að meðalstór fyr-
irtæki hérna heima sátu
eftir og við teljum okkur
vel geta veitt þeim þá
þjónustu sem þau þurfa,
byggða á faglegum for-
sendum og gríðarlegri
reynslu.“