Frjáls verslun - 01.05.2009, Side 14

14 F R J Á L S V E R S L U N • 5 . T B L . 2 0 0 9
Halldóra Tryggvadóttir er fædd í Smálöndunum í Svíþjóð en íslenska var fyrsta mál hennar. Enn segist
hún skilja allt sem sagt er á íslensku en
rekur í vörðurnar þegar hún þarf sjálf að
leita að íslenskum orðum. Því vill hún heldur
tala önnur mál, sænsku eða ensku.
„Alltaf þegar ég fer til Íslands rifjast
íslenskan upp fyrir mér á einni viku,“ segir
Halldóra. „Við móðir mín og tvær systur
ætlum til Íslands í sumar og þá kemur málið
eins og skot. Við töluðum alltaf íslensku
heima.“
Og hún hefur síðustu vikur svarað fjöl-
miðlum úr öllum heimshornum um fyrirætl-
anir bílasmiðju Koenigsegg varðandi Saab.
Bjargar eiginmaður hennar, Christian von
Koenigsegg, Saabinum frá glötun? Hefur
hann burði til að kaupa eitt af kunnari
bílamerkjum heims? Halldóra er ekki aðeins
framkvæmdastjórinn hjá Koeningsegg heldur
einnig blaðafulltrúi og markaðsstjóri.
Ólst upp í Smálöndum Svíþjóðar
Heima var fyrst í bænum Växsjö í
Smálöndunum. Þangað komu foreldrar
hennar frá Akranesi árið 1975. Þetta var
á meðan Íslendingar og þá sérstaklega
íslenskir iðnaðarmenn sóttu enn til
Svíþjóðar. Tryggvi Magnússon faðir hennar
er smiður og vinnur enn í þeirri grein en er
fluttur til Bandaríkjanna.
„Mamma var bara 17 ára þegar þau
lögðu út í þetta ævintýri,“ segir Halldóra
sem fæddist ári eftir að foreldrarnir settust
að í Svíþjóð og síðan komu tvær systur til
viðbótar.
„Pabbi var og er enn með fyrirtæki sem
sérhæfir sig í lagningu trégólfa,“ heldur
Halldóra áfram þegar við biðjum hana að
segja sögu sína. „Þessi rekstur hans leiddi
okkur fjölskylduna til Belgíu, til Brussel, þar
sem hann hélt áfram að vinna við gólfin. Ég
var 11 ára þegar við fluttum.“
Í Brussel gekk Halldóra í skóla og lauk
þar stúdentsprófi við Skandinavíska mennta-
skólann. Á síðasta ári þar kom ungur stúd-
ent frá Svíþjóð í skólann. Erindi hans var að
bæta við sig einu ári í menntaskóla og fá
alþjóðlegt stúdentspróf.
Enginn herragarður
Það var þarna í Skandinavíska mennta-
skólanum í Brussel sem þau Christian von
Koenigsegg og Halldóra kynntust. Þau fluttu
heim til Svíþjóðar að prófum loknum og hafa
búið þar síðan.
„Já, það eru liðin 18 ár frá því þetta var,“
segir Halldóra.
Og við viljum að sjálfsögðu fá að vita
hvort hún hafi flutt með aðalsmanninum
inn í herragarð með ótal þjónum í skógum
Suður-Svíþjóðar.
„Nei, nei,“ segir Halldóra og hlær. „Við
búum í venjulegu húsi í Ängelholm en það
er við sjóinn og útsýnið er frábært. Mér
finnst ég búa í paradís en þetta er ekki
herragarður.“
Ängelholm er spölkorn norðan Helsingja-
borgar á Skáni. Latneska nafnið fyrir Skán
er einnig þekkt bílamerki: Scania.
Það telst líka til sögulegs fróðleiks að
ættin von Koenigsegg er upphaflega prúss-
nesk og er fyrst getið á 12. öld. Þá var for-
faðirinn sleginn til riddara.
Afi Christians bílasmiðs flutti til Svíþjóðar
og síðan hefur ein grein ættarinnar búið þar
og vörumerki bílsins er af gunnfána ætt-
arinnar. En hinir sænsku von Koenigsegg
eiga engan herragarð!
Bílar á herflugvelli
Í Ängelholm eru höfuðstöðvar bílasmiðju
Koenigsegg – á herflugvelli sem enn er í
notkun. Saab er hins vegar í Trollhättan,
nokkru norðar í landinu. Halldóra segir að
ekki standi til að sameina fyrirtækin þótt
Koenigsegg verði eigandi Saab. Hvort fyr-
irtæki um sig mun halda áfram sinni starf-
semi. Framleiðslan er gjörólík þótt samstarf
geti verið um tæknilegar lausnir.
Raunar eru Halldóra mjög vör um
sig í yfirlýsingum umáform þeirra hjóna.
Opinberlega vill hún aðeins staðfesta að
General Motors, eigandi Saab, hafi ákveðið
að ganga til samninga við þau um sölu.
Hvað svo veit enginn.
Bílamiðja Koenigsegg er að því leyti sér-
stök að þar eru búnir til um 20 bílar á ári.
Og engir tveir bílar eru alveg eins þótt boðið
sé upp á nokkrar grunngerðir. Hver bíll er
sérhannaður í samvinnu við kaupandann.
HALLDÓRA TRYGGVADÓTTIR VON KOENIGSEGG:

Að kAupA SAAb
verkSmiðjurnAr
Hún hitti ungan aðalspilt með uppfinningadellu í erlendri borg. Þau urðu ástfangin,
íslenska smiðsdóttirin og aðalsmaðurinn. Nú, 18 árum síðar, er Halldóra Tryggvadóttir
von Koenigsegg framkvæmdastjóri undarlegustu bílasmiðju heims og ætlar að kaupa
bílasmiðjur Saab í Svíþjóð.
TExTI: gísli kristjánsson