Frjáls verslun - 01.05.2009, Side 51

F R J Á L S V E R S L U N • 5 . T B L . 2 0 0 9 51
ELÍN ÞÓRUNN
EIRÍKSDÓTTIR,
framkvæmdastjóri
fyrirtækjasviðs Símans.
Hver hafa viðbrögð þíns fyrirtækis
verið í kreppunni? Í hvaða úrbótum
er það að vinna?
Unnið hefur verið að aukinni hagræðingu
innan Símans allt frá ársbyrjun 2008 en
einnig að þróun lausna sem hjálpa við-
skiptavinum okkar að takast á við verk-
efnin á þessum krefjandi tímum og nýta
betur samskipta- og upplýsingatækni-
lausnir sér til framdráttar.
Hefur eitthvað jákvætt komið út úr
niðursveiflunni fyrir þitt fyrirtæki?
Starfsmenn fyrirtækisins hafa sýnt mikinn
styrk og þjappað sér enn betur saman en
áður og þeir eru tilbúnir að leggja mikið
á sig með það að markmiði að veita fram-
úrskarandi þjónustu og hjálpa viðskipta-
vininum að hagræða hjá sér.
Ríkisvæðingin er mikil. Hvað lengi eiga
ríki og bankar að reka einkafyrirtækin
sem þau taka yfir?
Í eins skamman tíma og kostur er. Vissu-
lega þarf að ná upp virði fyrirtækjanna
áður en þau eru seld auk þess sem það er
lykilatriði að gæta þess þó að samkeppn-
isstaða á markaði skekkist ekki. Þá er afar
mikilvægt að vinna fljótt og vel að því að
koma þeim í dreift eignarhald.
Hvað viltu sjá að verði gert til að rétta
atvinnulífið við?
Lækka vexti til að fjárfestingar í atvinnulíf-
inu aukist og atvinnuleysi minnki.
Hvaða heilræði hafa reynst þér best í
stjórnun?
Hlusta á starfsmenn, sjá verkefnin, taka
ákvarðanir og framkvæma í góðu samstarfi
við starfsmenn.
Framtíðin í sex orðum?
Ísland er land tækifæranna. Nýtum þau.
Elín Þórunn er stjórnarformaður í Radíó-
miðun og Staka.
 Elín Þórunn Eiríksdóttir, framkvæmdastjóri fyrirtækjasviðs Símans
 Liv Bergþórsdóttir, framkvæmdastjóri Nova.
S ÍMAFYRIRTÆKI
Liv Bergþórsdóttir,
framkvæmdastjóri Nova.