Frjáls verslun - 01.05.2009, Qupperneq 115

F R J Á L S V E R S L U N • 5 . T B L . 2 0 0 9 115
k r a f t m i k i l a t h a f n a k o n a
hefur greinilega farið minnkandi en á móti kemur að við fáum í auk-
num mæli til okkar eldra fjölskyldufólk.“
Þórdís Lóa telur víst að reksturinn verði erfiður á þessu ári og því
næsta: „Allar okkar áætlanir gera ráð fyrir því en við erum bjartsýn
þar sem við byggjum á góðum grunni bæði hvað varðar vöruna okkar
og reksturinn einnig. Við erum uppfull af hugmyndum en gerum
okkur grein fyrir að nú er ekki rétti tíminn til að fara út í stórræði,
einbeitum okkur að rekstrinum og að bæta þjónustuna.“
athafnakona sem kemur víða við
Þórdís Lóa er sannarlega athafnakona og kemur víða
við. Hún er í stjórn FKA, Félags kvenna í atvinnu-
rekstri, er í stjórn Finnsk-íslenska viðskiptaráðsins
og stjórnarformaður í fjárfestingarhópnum Naskar
ehf. „Naskar er fjárfestingarfélag þar sem saman
koma athafnakonur víðsvegar úr atvinnulífinu og
fjárfesta saman. Við höfum skýra sýn og stefnu
um fjárfestingar okkar og höldum fast í lykilorðin
okkar „menntun, skemmtun og hámarks ávöxtun“.
Þetta mótunarferli við stofnun Naskra hefur verið
afar lærdómsríkt og við viljum gjarnan deila reynslu
okkar og hugmyndum með öðrum sem hafa áhuga á að stofna fjár-
festingarhópa.“
Eins og gefur að skilja eru efnahagsmálin mikið rædd innan
stjórnar FKA: „Félagskonur standa allar í rekstri og segja má að
yfirleitt séum við áhyggjufullar vegna óvissunnar sem er mikil. FKA
hefur lagt áherslu á að hvetja félagskonur til að segja síður upp fólki
en hjá því hefur ekki verið komist í mörgum fyrirtækjum. Starfs-
mannamálin eru mörgum okkar því ofarlega í huga þessa dagana og
geta haft sálfræðileg og tilfinningaleg áhrif, sérstaklega á þær okkar
sem starfa í minni fyrirtækjum en þar er nálægðin mikil. Annars
vegar sem stjórnandi þarf maður að halda jákvæðu orkunni gangandi
og vera bjartsýn fyrir hönd hópsins en á móti kemur að rekstrarum-
hverfið er gríðarlega erfitt svo þetta er flókið, en ég verð að segja að
ég finn fyrir jákvæðara hugarfari í dag.
FKA hefur haldið marga fundi um efnahagsmálin, við vorum
meðal annars með vel heppnaðan fund með Gylfa Magnússyni
viðskiptaráðherra og fund í febrúar með fjölmiðlafólki um ábyrgð
fjölmiðla á stemninguna hjá landanum. Svo höfum við í stjórninni
verið duglegar við að hvetja félagskonur til að reyna að halda hjól-
unum gangandi. Konur eiga mikið af fyrirtækjum
í verslun og þjónustu sem eru viðkvæm rekstrarlega
séð en félagar í FKA eru rúmlega 600 talsins.“
FKA hefur einnig lagt mikla áherslu á að auka
hlutfall kvenna í stjórnum félaga og í æðstu stjórn-
andastöðum. Þórdís Lóa hefur á þessu afar ákveðnar
skoðanir og leggur áherslu á að viðskiptalífið verði
að opna innstu dyr valdahringsins og bjóða konum
þangað inn: „Konur hafa til þess þekkingu, reynslu
og mikla getu. Við sjáum að jöfn hlutföll kvenna og
karla er alltaf besta jafnan og það sem meira er þá er
það fjárhagslega besta jafnan einnig.“
Að lokum er Þórdís Lóa spurð hvort hún sé allan sólarhringinn í
vinnunni: „Ekki vil ég nú segja það, en þegar maður stendur í rekstri
síns eigin fyrirtækis, sérstaklega í árferði eins og nú gengur yfir landið,
þá má segja að hugurinn sé bundinn við fyrirtækið. Ég er mikil útivist-
armanneskja og dellukona. Stunda veiði af kappi, bæði flugu- og neta-
veiði, sem og skotveiði á haustinn. Ég var svo óheppin þetta árið að fá
ekki hreindýraleyfi, gengur bara betur næst. Svo er ég forfallin skíða-
manneskja. En hvað sem ég geri þá er erfitt að sleppa takinu á rekstr-
inum, hann er alltaf í kollinum í einhverskonar gerjun.“
naskar er
fjárfestingarfélag
þar sem saman
koma athafnakonur
víðsvegar úr
atvinnulífinu og
fjárfesta saman.
Þórdís Lóa á jörðina Másvatn í Suður-Þingeyjarsýslu. Í vetrarhörkunum
síðastliðinn vetur var þykkur ísinn engin hindrun við dorgveiðarnar.
Þórdís rekur þrjá Pizza Hut staði í íshokkí-höllinni Hartwall
Areena í Helsinki þar sem Eurovision söngvakeppnin var haldin
2007. Þar studdi hún íslensku keppendurna óspart.