Frjáls verslun - 01.05.2009, Page 128

fólk
128 F R J Á L S V E R S L U N • 5 . T B L . 2 0 0 9
innnes ehf. er ein af stærstu matvöruheil-dverslunum landsins og eru flest vöru-merki fyrirtækisins markaðsleiðandi á
sínu sviði. Dreifingarmiðstöð og skrifstofur
eru við Fossaleyni í Reykjavík. Alls starfa um
100 manns hjá félaginu í Reykjavík og á Akur-
eyri. Páll Hilmarsson er framkvæmdastjóri
markaðssviðs og segir hann fyrirtækið vera
með sterk og góð vörumerki sem njóti trausts
neytenda. Starfsfólk fyrirtækisins er öflugur og
samhentur hópur sem leggur höfuðáherslu á
góð og persónuleg samskipti við viðskiptavini.
Páll Hilmarsson er Garðbæingur og hefur
búið þar frá fimm ára aldri. Með skólagöngu
sinni í viðskiptafræði HÍ vann hann hjá ljós-
myndafyrirtækinu Hans Petersen.
„Ég var þeirrar gæfu aðnjótandi á starfs-
ferli mínum hjá Hans Petersen að stjórn-
endur fyrirtækisins treystu mér fyrir mörgum
spennandi og ögrandi verkefnum sem gáfu
mér dýrmæta reynslu sem nýst hefur mér á
vel á liðnum árum.“ Eftir um fimmtán ára
veru í tækniheiminum ákvað Páll að venda
sínu kvæði í kross og sneri sér að sælgætis- og
matvælageiranum.
Eiginkona Páls er Kolbrún Jónsdóttir,
framkvæmdastjóri fjármálasviðs hjá VÍS og
eiga þau tvö börn. „Fjölskyldan og samvera
með henni skiptir mig að sjálfsögðu mestu
máli. Áhugamál fjölskyldunnar númer eitt
er útivera en við höfum stundað gönguferðir
á sumrin og skíðin á veturna. Við höfum
gengið víða, meðal annars um Hornstrandir,
Austfirðina og á Öræfum og síðustu árin
höfum við farið í gönguferðir til Króatíu, Sló-
veníu og Spánar. Hafa þetta verið vikuferðir í
hópi 20 ferðafélaga þar sem við berum oftast
allt okkar á bakinu.“
Þegar viðtalið við Pál var tekið var hann
á leið í gönguferð um fjalllendi Póllands
ásamt fríðum hópi fólks en þar á meðal er
stór hópur Garðbæinga sem gengið hefur
töluvert saman á síðustu árum. „Einnig er á
dagskránni í sumar ferð um Hornstrandir í
júlí. Í þetta skiptið göngum við frá Hælavík
að Hesteyri. Eigum þá bara eftir eina ferð frá
Hesteyri um Veiðileysufjörð og Lónafjörð að
Hrafnsfirði til að loka gögunni um Horn-
strandir.“
Stórt áhugamál hjá Páli eru sveitarstjórn-
armál, en hann er forseti bæjarstjórnar, for-
maður skólanefndar og situr í stjórn Sorpu
fyrir Garðabæ. „Það eru ákveðin forréttindi
að starfa í pólitík. Ég lít svo á að vera í pólitík
sé á við góða framhaldsmenntun, þó ekki fái
maður neitt diplóma fyrir það nám. Þá er
það nú alltaf þannig að nám og reynnsla er
eitthvað sem aldrei verður frá manni tekið og
maður býr að alla ævi. Ég tel mig því vera í
einum besta skóla landsins þar sem stjórn-
málin eru.“
nafn: páll Hilmarsson.
fæðingarstaður: reykjavík,
10. mars 1962.
foreldrar: Hilmar pálsson
og lína lilja Hannesdóttir
maki: Kolbrún Jónsdóttir.
Börn: lilja lind 23 ára,
Hilmar 15 ára.
menntun: Viðskiptafræðingur
frá Háskóla íslands.
Páll Hilmarsson: „Það eru ákveðin forréttindi að starfa í pólitík. Ég lít svo á að vera í pólitík sé á við
góða framhaldsmenntun, þó ekki fái maður neitt diplóma fyrir það nám.“
framkvæmdastjóri markaðssviðs hjá innnes ehf.
PÁLL HILMARSSON
texti:
HilMar
karlsson
Myndir:
geir
ólafsson