Frjáls verslun - 01.09.2005, Blaðsíða 20

20 F R J Á L S V E R S L U N • 9 . T B L . 2 0 0 5
FORSÍÐUGREIN • SVAFA GRÖNFELDT
Frumkvöðlaandi og orka Um miðjan október var tilkynnt
um ráðningu Svöfu í starf aðstoðarforstjóra Actavis en
áður var hún framkvæmdastjóri stjórnunarsviðs fyrirtækis-
ins. Í nýju starfi sinnir hún líkum verkefnum og áður, það
er að samtvinna stefnu og innra skipulag, jafnframt því
sem hún verður staðgengill forstjóra og stýrir rekstri höf-
uðstöðvanna hér heima. Frá þeim teygja angar Actavis sam-
stæðunnar sig vítt og breytt út um heiminn, en starfsemin
er nú í um 30 löndum og starfsmenn um sjö þúsund.
Þegar Svafa réðst til starfa hjá Actavis í apríl í fyrra var
hún engu að síður ágætlega kunnug starfsemi fyrirtækis-
ins. Sem ráðgjafi hjá IMG og kennari við Háskóla Íslands
hafði hún komið að fjölmörgum verkefnum fyrir Delta og
Pharmaco, tvö þeirra fjölmörgu fyrirtækja sem nú mynda
Actavis. Hún vissi því nokkuð hvernig landið lá.
„Þegar Róbert Wessman forstjóri bauð mér að koma
hingað inn sem framkvæmdastjóri stjórnunarsviðs, var
ákvörðunin sem ég stóð frammi fyrir alls ekki auðveld.
Ráðgjafastörf eru mjög gefandi og að sama skapi skemmti-
leg. Á endanum ákvað ég samt að láta slag standa. Í raun
var ekki hægt að hafna tilboðinu fyrir utan hvað Róbert er
sannfærandi maður og hættir ekki fyrr en hann hefur náð
settu marki. Það sem réð kannski úrslitum um að ég ákvað
að söðla um var einstakur frumkvöðlaandi og orka sem
ég skynjaði hér hjá Actavis. Hér er valinn maður í hverju
rúmi og starfslið sem jafnast á við það sem best gerist í
heiminum. Starfsfólkið er líka kappsamt og nær árangri
langt umfram það sem eðlilegt telst á flestum bæjum,“
segir Svafa.
Hungur í árangur Árið 1999 voru starfsmenn Pharmaco
146, allir hér innanlands. Nú sex árum síðar er á grunni
þessa orðið til fjórða stærsta samheitalyfjafyrirtæki í heims
og um 400 störf til viðbótar hafa skapast á Íslandi.
Brennan á Búðum. Stjórnendur Actavis Group funduðu á dögunum helgarlangt vestur á Búðum með forystuliði Alharma. Við brennu um kvöldið
var sjálfur sameiningarseiðurinn framkallaður, en hann fær fólk til að skynja sig í einu og sama liðinu þótt álfur og höf séu þess í millum.