Frjáls verslun - 01.05.2005, Síða 102

102 F R J Á L S V E R S L U N • 5 . T B L . 2 0 0 5
KYNNING
Húsgagnaverslunin Exó í Fákafeni 9 í Reykja-vík leggur áherslu á nútímahönnun og á þeim þrettán árum sem liðin eru frá opnun hefur
verslunin dafnað og vegur hennar aukist. „Okkur þótti
vanta húsgagnaverslun með góða nútímahönnun.
Fannst líka tímabært að fara að gera eitthvað sjálf og
þá kom frumkvöðullinn upp í okkur hjónum,“ segir
Hanna Birna Jóhannesdóttir sem rekur verslunina
ásamt eiginmanni sínum, Inga Þór Jakobssyni.
Önnur Exó verslun var opnuð í Osló fyrir fjórum
árum. „Margir viðskiptavinir okkar voru Norðmenn
og því fórum við til Oslóar, skoðuðum húsgagna-
markaðinn og sáum að markaður væri fyrir verslun
á þeirri línu sem við erum,“ segir Hanna Birna. Í kjöl-
farið var Exó - möblestudio opnuð, sem er við eina
helstu verslunargötuna í Osló og fékk góðar viðtökur
strax á fyrsta degi.
Ferhyrnt form og stílhreinar línur „Nútímahönnun einkennir versl-
unina Exó. Stílhreinar línur með ferhyrnt form sem hafa einkennið
less is more. Í dag eru stórir sófar vinsælir og flesta okkar sófa er
hægt að fá í mismunandi stærðum allt upp í að vera fimm til sex
metra langir. Leður er áberandi í dag hvítt og svart en í mismunandi
grófleikum,“ segir Hanna Birna.
Mörg vörumerki Exó eru vel þekkt. „Við höfum safnað að okkur
vönduðum merkjum. Sum eru þekkt, en önnur minna. Okkar kröfur
byggjast á fagmennskunni. Innan Exó er til fagleg þekking á hús-
gagnahönnun, bólstrun og smíði húsgagna. Ingi Þór, maðurinn minn,
hefur alla þessa þekkingu, enda innanhúshönnuður að mennt.“
Armani Casa með haustinu Gjafavörudeild er starf-
rækt í Exó. Þar eru seldar vörur frá La Mediterrian
sem er spænskt fyrirtæki sem eingöngu vinnur úr
endurunnu gleri. „Þar sem gjafavörudeild okkar
hefur fengið mjög góðar viðtökur munum við nú í
haust kynna nýjar vörur frá einu af eftirsóttustu fyrir-
tækjunum í smávöru í dag. Það er Armani Casa sem
er eitt af dótturfyrirtækjum Giorgio Armani, sem
hefur með sínu fólki hannað allt frá skóm og upp í
húsgögn. Í þessari gjafavörulínu eru meðal annars
sængurföt, náttsloppar, handklæði, borðbúnaður,
glös, púðar og teppi.“
Vinna og áhugamál Hanna Birna Jóhannesdóttir
er markaðsfræðimenntuð og segir þá menntun hafa
nýst sér afar vel í verslunarrekstri. Í dag gerir hún
markaðsáætlanir langt fram í tímann og sama gildir
um auglýsingar. „Ég legg mikið upp úr því að auglýs-
ingarnar séu markvissar og höfði til ákveðins markhóps. Vil að vörur
okkar standi undir þeirri ímynd sem við kynnum. Ég legg líka áherslu
á framúrskarandi þjónustu; þannig sköpum við traust og aukna við-
skiptavild,“ segir Hanna Birna sem segir það góða tilfinningu að geta
samræmt vinnu og áhugmál.
HÚSGAGNAVERSLUNIN EXÓ
Stílhrein nútímahönnun
„Okkar kröfur
byggjast á fag-
mennskunni,“
segir Hanna Birna
Jóhannesdóttir,
kaupmaður í Exó.
Exó dafnar og vöru-
merkin vönduð. Gjafa-
vörudeild í sókn.
Matarstell, glös,
púðar og teppi.