Frjáls verslun - 01.02.2006, Síða 55
F R J Á L S V E R S L U N • 2 . T B L . 2 0 0 6 55
S P A R I S J Ó Ð U R H A F N A R F J A R Ð A R
STOFNFJÁREIGENDUR 3. MARS 2006
Listi frá Sparisjóði Hafnarfjarðar, dagsettur
10. febrúar, sem birtur var í Morgunblaðinu
3. mars 2006. Fjöldi béfa er innan sviga.
1. Björn Þorri Viktorsson (4)
2. Bygg ehf. (4)
3. Eyjólfur Reynisson (2)
4. Fjárfest.félagið Vatnaskil ehf. (2)
5. Fjósaklettur ehf. (2)
6. Fons ehf. (4)
7. Guðmundur A. Birgisson (2)
8. Hagar ehf. (2)
9. Helgi Vilhjálmsson (2)
10. Hverfjall ehf. (2)
11. Ingólfur Flygenring (2)
12. Íslandsbanki hf. (4)
13. JP-fjárfestingar ehf. (1)
14. Karen Millen (4)
15. Kevin Stanford (4)
16. Fjárfest.félagið Klettur ehf. (2)
17. Matthías Á Mathiesen (2)
18. MP - fjárfestingabanki hf. (5)
19. Myllan - Brauð ehf. (4)
20. Páll Pálsson (2)
21. Raptor ehf. (2)
22. Saxhóll ehf. (4)
23. Sigurður Bollason ehf. (4)
24. Sigurður G. Guðjónsson (4)
25. Sjóvá Almennar hf. (4)
26. SGP - fjárfestingar ehf. (1)
27. Sparisjóður Kópavogs (SPK) (5)
28. SPV - fjárfestingar ehf. (5)
29. Trausti Ó. Lárusson (2)
30. Þórður Magnússon (2)
31. Magnús Ármann (Zilits.Inc.Lux) (4)
Þeim hefur fækkað. Núna á 31 stofn-
fjáreigandi stofnfjárbréfin 93 í Spari-
sjóði Hafnarfjarðar.
E f það er rétt að verðmæti stofnfjárbréfs sé komið í
yfir 45 milljónir króna þá hef ég
aldrei haft jafngóð laun á ævinni!
Það þarf engan að undra þótt
menn falli fyrir gylliboði um 20
milljónir fyrir bréf sem ekki gerir
annað en liggja verðlaust niðri í
skúffu!“
Þetta segir athafnamaðurinn
Helgi Vilhjálmsson, kenndur við
Góu, en hann er m.a. þekktur fyrir baráttu
sína fyrir því að lífeyrissjóðirnir sameinist í
átaki um að byggja hjúkrunarrými fyrir aldr-
aða og fyrir það að liggja ekki á skoðunum
sínum um menn og málefni.
Helgi mætti ekki á aðalfundinn 20. apríl
í fyrra heldur sendi orðsendingu og boð-
aði forföll en lýsti stuðningi við A-listann.
Honum finnst gott að hafa ekki tekið þátt
í átökunum:
„Þetta var víst alveg óskaplegt rifrildi.
Aldrei sést annað eins. Áður var skemmti-
legt að sitja þessa fundi með gömlu mönn-
unum, fá sér kaffi og kökusneið og kannski
fletta einhverju, en þetta var allt í föstum
skorðum og allt saman ákaflega gott fólk.
Það ætti að vera búið að sæma Matthías og
verðlauna fyrir allt hans mikla starf í þágu
sparisjóðsins og bæjarins.“
Helgi telur að ný stjórn hefði strax átt
að lýsa því yfir að næsta skref yrði það
að fá verðmat á sparisjóðinn. Selja síðan í
einu lagi og skipta andvirðinu milli skráðra
stofnfjáreigenda eftir ótvíræðum heimildum
í stað þess að standa að eigendaskiptum og
verslun með stofnfjárbréf „bakdyramegin“,
eins og hann orðar það.
„En það að fá yfirlýsingu um mótfram-
boð þremur sólarhringum fyrir aðalfund er
úti í mýri á þessum rafvæddu tímum! Þeir
hefðu átt að slíta fundi strax og hann byrj-
aði og boða til annars fundar.“
Helgi rifjar upp sögu af bankaviðskiptum
sínum, upphafi viðskipta sinna við Spari-
sjóð Hafnarfjarðar og erfiðleik-
ana við að fá lánsfé á árum
áður.
„Þegar ég var að byrja þá
þurfti að skríða fyrir þeim sem
útdeildu fjármagni til atvinnu-
rekstrar. Beinlínis skríða eins og
margir þekkja vel. Flestir sem
reyndu áttu ekkert erindi í banka
annað en vera vísað heim aftur.“
-En hvað ætlar hann að gera við sín stofn-
fjárbréf í SPH?
„Ég ætla að eiga þau áfram. Þetta getur
ekki annað en hækkað! En það hefur
verið hringt. Það er skemmtilegt að eiga
góða vöru. En ef ég sel...“ Hér verður Helgi
leyndardómsfullur. „...þá tek ég ekki þessa
peninga fyrir sjálfan mig. Það er klárt! Ég
ætla að gera svolítið fyrir þá.“
Hann vill ekki gefa upp hvað það er.
-En hvernig telur hann þá að öllu því
fólki yrði við, sem fallið hefur frá úr
hópi fjögurra og kannski fleiri kynslóða
ábyrgðarmanna, að komast að því að
eignarhlutar og stofnfjárbréf í spari-
sjóðnum gangi nú kaupum og sölum?
„Það er ábyggilega hörkufundur í efra,“ segir
Helgi og hlær hátt. „Og búinn að standa
lengi! Allt þetta fólk hlýtur að vera búið að
velta sér oft við og gráta upp úr gröfinni út
af þessu. En ég segi það að ég hef alltaf litið
á peninga sem hverja aðra vöru.“
-Er niðurstaðan, eins og hún blasir við
þér núna ásættanleg?
„Í ljósi upphafsins er þetta leiðinlegt mál! En
sjálfsagt hefur verslun með bréfin hjálpað
mörgum sem voru í vandræðum með þau
og sinntu þessu lítið. Saga sparisjóðsins er
orðin hundrað ára saga. Menn falla frá og
misjafn sauður sem kemur í staðinn. Gömlu
mennirnir hefðu átt að sjá um breytinguna.
Það hefði verið best.“
„MENN FÉLLU FYRIR GYLLIBOÐUM“
HELGI VILHJÁLMSSON Í GÓU:
Helgi Vilhjálmsson.
FYRIR EFTIR
VIÐTAL: JÓNAS GUNNAR EINARSSON