Tímarit Máls og menningar - 01.08.1940, Page 12

98
TÍMARIT MÁLS OG MENNINGAR
lantlið undir sig, yrði meðal hinna fyrstu til að hlaupa
í faðm þeirra. Það er ein af hinum mörgu fjarstæðum,
sem okkur kommúnistum er gefin að sök. Ég vil taka
það skýrt fram, og ég er sannfærður um, að ég tala þar
fyrir munn allra kommúnista á fslandi, að við viljum
engin yfirráð Rússa hér á landi, frekar en nokkurrar
annarrar þjóðar, t. d. Englendinga eða Þjóðverja, enda
þótt þær hefðu komið á lijá sér skipulagi sósíalismans.
Það er allt annað að þrá nýtt þjóðskipulag i líkingu
við það, sem Rússar og aðrar sovétþjóðir liafa stofn-
að, lieldur en vera fullir af einhverri sérstakri aðdáun
fyrir þeim sjálfum eða vilja yfirráð þeirra. Við mynd-
um ekki vijja hingað rússneskt setulið eða óska eftir
rússneskri hjálp til þess að umsteypa hér þjóðskipulag-
inu, þó að við séum engir vinir þeirrar valdakliku, sem
hér ræður. Við viljum sjálfir vera ménn til að koma
hér á því þjóðskipulagi, sem við óskum eftir, án er-
lendrar aðstoðar. Við viljum, að fslendingar og allar
þjóðir ráði sjálfar málum sínum. Við erum einmitt kom-
múnistar og viljum sósíalisma af þeim ástæðum, að
við treystum þvi, að liann skapi þjóðunum sjálfstæði,
velmegun, frið og frjálsa menningu. Ég veit, að margir
liér eru eða látast vera þeirrar skoðunar, að Sovétríkin
liafi tekið upp heimsveldastefnu, sækist orðið eins og
anðvaldsríki og fasistar eftir því að leggja undir sig
lönd og afnemi sjálfstæði þeirra þjóða, sem ganga í
samhand við þau. Það yrði til þess að sprengja alla
umgerð þessarar ritgerðar, sem er eingöngu ætlað að
fjalla um okkar eigin aðstöðu, ef ég færi að taka þetta
mál hér til meðferðar, og verð ég heldur að gera það
í sérstakri grein síðar. Afstaða okkar kommúnista til
Sovétríkjanna markast af þvi, að við erum sannfærðir
um, að þau eru bandamenn alþýðunnar í heiminum,
þó að ýmsar ráðstafanir, sem þau nevðasl til að gera
á stríðstímum, umsetin af óvinarikjum, geli á yfirborð-
inu litið út sem andstæðar stefnu sósíalismans. Ef til