Tímarit Máls og menningar - 01.08.1940, Blaðsíða 58

Gunnar Gunnarsson:
Afskipti erlendra þjóða viljum vér engin.
Erindi flutt að Laugum sunnudaginn 14. júlí 1940.
„Ekki skal gráta Björn
bónda, heldur skal safna
liði“ .... Það er runninn á-
sjálegur vatna-agi til sjávar,
síðan konu einni íslenzkri
urðu þessi orð á vör á sár-
ustu stund ævinnar og einni
af örlagastundum lands
vors. Enda réðu orð þessi
örlögum; réðu því, að ekki
var gefizt upp fvrir ofbeldis-
seggjunum, heldur haldið
karlmannlega á málum.
Langt er nú síðan, að vit var
í því og geta til þess hér á
íslandi að láta sér slík orð
um munn fara gegn vopn-
studdum erlendum yfirgangi. Víst er aðstaða vor nú
önnur og örðugri og smærri, en vel mega þó íslenzkar
konur, vel má islenzk æska á líðandi stund minnast þess-
ara orða og þeirrar konu, er þau mælti. Ekki til að und-
irbúa neins konar hefndaratgerðir; slíkt væri fávizka og
enda ógerlegt; heldur til þess að eiga sinn þátt í því að
vernda þó ekki sé nema virðingu þjóðarinnar á þeim
hættutimum, er yfir standa.