Tímarit Máls og menningar - 01.06.1950, Blaðsíða 104

94
TÍMARIT MÁLS OG MENNINGAR
á vissum flokki holdýra að ef kynfrumurnar eru fjarlægðar myndast
þær aftur af líkamsfrumunum.
Niðurstöður Brians eru þær að kímfrumurnar geti myndast af lík-
amsfrumunum og öfugt; kímfrymið sé þannig ekki óháð líkamsfrym-
inu og ennfremur að rangt sé að gera ráð fyrir að kímfrumurnar myndi
óslitna braut.
Ameríski erfðafræðingurinn Jennings sem er talinn einhver fremsti
sérfræðingur í ættgengi frumdýra hefur látið í ljós það álit að um-
hverfi og lífsskilyrði geti valdið breytingum á erfðastofnunum, þ. e.
ættgengum breytingum.
VII
Lýsenkó er mjög umdeildur maður um þessar mundir. Reyndar er
hann löngu heimskunnur sem jurtafræðingur, einkum á sviði lífeðlis-
fræði jurta, og nægir þar að benda á kenningar hans til skýringar á
voruninni, sem áður var skýrt frá. En þó að menn séu ekki á einu máli
um erfðakenningar Lýsenkós verður hitt ekki dregið í efa að hann
hefur náð ótrúlega miklum árangri í hagnýtu starfi fyrir landbúnað
Sovétríkjanna.
Hér verður nú sagt með nokkrum dæmum frá hinum hagnýta árangri
sem Lýsenkó og Mitsjúrín og samherjar þeirra hafa náð með því að
beita hinum nýju líffræðikenningum.
Aðferð Lýsenkós við vorun nytjajurta hefur fært ræktunarsvæði
korntegunda langt norður á bóginn, svo að nú er hægt að rækta hveiti
á stórum landssvæðum í Síberíu þar sem það var óframkvæmanlegt
áður.
Árið 1948 var sáð í akurlendi sem nam miljónum hektara hveiti sem
vorað hafði verið með aðferð Lýsenkós.
I þessu sambandi má nefna þá aðferð Lýsenkós að sá vetrarkorni í
óplægðan akur að haustinu. Aðferð þessi hefur reynzt mjög heppileg
á vissum svæðum í Síberíu.
Á stríðsárunum bjargaði Lýsenkó kartöfluuppskerunni í suðurhér-
uðum Sovétríkjanna með því að ráðleggja sumarsáningu. Hér var um
að ræða mjög verðmætar kartöflutegundir frá Suður-Ameríku, sem
ekki gátu fengið rétt þroskaskilyrði í hinum nýju heimkynnum með
venjulegri vorsáningu.