Tímarit Máls og menningar - 01.12.1952, Page 101

ANNÁLL ERLENDRA TÍÐINDA
307
lega aðila, og oftast verða þau að draga jafnvel beztu vini sína og pólitíska vanda-
menn á hárunum til að skrifa undir. Þau munu bráðlega komast að raun um, að
margar þessara hátíðlegu undirskrifta eru ekki virði þess bleks, er í stafina fór.
Því að það liefur venjulega fylgt flestum þessum samningagerðum almenn upp-
þot og mótmæli heilla þjóða. Allsherjarsáttmálinn hefur vakið djúptækari þjóðar-
hreyfingu til mótmæla en lengi hafa verið dæmi til í sögu Þýzkalands. Þessari
mótmælahreyfingu er það að þakka, að samningar Adenauers, hins gamla land-
ráðamanns, liafa enn ekki hlotið samþykki lögmætra aðila, löggjafarþingsins í
Bonn. Hann gerði tvær atrennur, í júlí og í nóvember, til þess að fá þingið í Bonn
til að samþykkja sáttmálana, en mistókst í bæði skiptin. Urslitaumræðu og at-
kvæðagreiðslu hefur orðið að fresta til næsta árs.
Verkalýður Vestur-Þýzkalands úr öllum stjórnmálaflokkum hefur gengið í fylk-
ingarbrjósti gegn samþykkt sáttmálans, sem mundu hleypa hershöfðingjum og
nazistum að völdum á nýjan leik, en liindra friðsamlega lausn á sameiningu
Austur- og Vestur-Þýzkalands. Og verkalýðurinn stendur ekki einn í þessari bar-
áttu, sem beinlínis er háð um þýzka þjóðartilveru. Stórfelld samtök manna af öll-
um flokkum og stéttum hafa risið upp hin síðustu misseri til að afstýra þeim
hörmungum, er flæða munu í kjölfar hins endurreista þýzka herveldis. Fjölmenn-
ast þessara samtaka er Félagsskapur um þýzkt samkomulag og réttlátan friSarsátt-
mála. I honum er margt áhrifaríkra borgaralegra stjórnmálamanna. Þá má nefna
Félagsskap /riSarvina Evrópu, undir forustu Dr. Gustav Heinemanns. Dr. Ileine-
mann er sjálfur stóriðjuhöldur og var innanríkisráðherra í stjórn Adenauers, en
sagði af sér emhætti í október 1950, er hann neitaði að samþykkja endurhervæð-
ingu Þýzkalands. Niemöller prestur, sem er leiðtogi hinnar evangelísku kirkju í
Hessen, er náinn samstarfsmaður Dr. Heinemanns. Þessi félög og fjöldi annarra
hafa ásamt verkalýðssamtökunum risið öndverð gegn þeim landsvikamönnum, er
staðið hafa í samningum við vesturveldin um vígbúnað Vestur-Þýzkalands. Þess-
um samtökum og baráttu þeirra er það að þakka, að enn er þess kostur að afstýra
þeim voða, er stórveldi vestræns lýðræðis reyna að leiða Evrópu út í.
Bandarískt stjórnmálasiðgœði í Vestur-Þýzkalandi
Þýzkur almenningur fékk á síðastliðnu hausti dálitla nasasjón af pólitískum
siðgæðishugmyndum bandarískra hernámsyfirvalda. Það lá við um stund, að
draga mundi til alheimshneykslis, en sagan fór ekki ýkja hátt, og reynt var að
þegja hana í hel utan Þýzkalands. En íslendingum ætti að vera hollt að heyra
hana, það er alltaf gott að kynnast bandamönnum sínum og vígsnautum í Atlanz-
hafsbandalaginu frá sem flestum hliðum áður en við förum að frelsa með þeim
menninguna og kristnina.
Svo har til í september síðastliðnum, í landi því er Hessen heitir á Vestur-Þýzka-
landi, að teknir voru höndum nokkrir ungir nazistar úr hreyfingu, sem kallast
Þýzk œska og nýtur mikillar hylli vesturþýzkra og bandarískra yfirvalda. Hinir