Tímarit Máls og menningar - 01.03.1954, Síða 70

60
TÍMARIT MÁLS OG MENNINGAR
heldur en hann
þeim sem ötuðu enni þjóðar þinnar
þessum smánarflekk.
Berklaveika fólkið,
sem rúmlægt er í hverfinu,
mænir bak við rúðurnar
út í rökkrið.
Sonur Húríu þvottakonu
gengur til kaffistofunnar
með hryggð á herðum sér.
í útvarpinu hans Rama Beys
er verið að flytja fréttirnar:
Þjóð í austri
með þelgult svipfar mánans
á í höggi við hvíta ófreskju;
4500 hermenn
voru sendir þangað
frá þínu eigin landi
til þess að brytja niður bræður sína.
Þig hitar í andlitið
af hryggð og blygðun —
ekki hryggð vegna alls og einskis,
heldur einhvers, sem gengur þér nær,
persónulegri og hjálparvana hryggð,
eins og þeir hefðu hrundið konunni þinni
aftan frá á steinlagt strætið
og hún hefði látið fóstur sitt;
eða þú sætir aftur í fangelsi