Tímarit Máls og menningar - 01.03.1954, Síða 101

BARROWS DUNHAM OG HUGSANAFRELSIÐ
91
þeirra er dálítið einkennilega farið, við erum óbifanlegir í trú okkar á
ókomna tíma, og í miðri baráttunni er okkur rótt í huga.“
Um þetta leyti kom út ný bók eftir Dunham sem nefnist Giant in Chain3
(Jötunn í böndum), heimspekilegs efnis, og er eftir ritdómum að dæma
(því að ekki hefur enn náðst í eintak af henni hingað) djúpsæ skoðun á
innsta eðli heimspekinnar og rökföst gagnrýni á þeim heimspekistefnum
sem orðið hafa athvarf borgaralegra heimspekinga á hinum seinustu og
verstu tímum samkeppnis- og braskaraþjóðfélagsins.
Fréttir frá Bandaríkjunum herma, að leitazt hafi verið við að aftra
útbreiðslu bókarinnar og þegja hana í hel, en hún hafi samt sem áður
selzt mjög vel sökum þeirrar athygli sem mál Dunhams hefur vakið.
Frjálslyndir Bandaríkjamenn fullyrða að mál hans og önnur svipuð
hafi eflt svo mikla andúð gegn ofsóknunum að engu sé líkara en að hún
muni valda straumbreytingu þar í landi. Betur færi að þeir hefðu rétt
fyrir sér, og svo mikið er víst að sú hræring er boðberi þeirrar gagn-
sóknar sem beztu menn Bandaríkjanna munu hefja fyrr eða síðar.