Tímarit Máls og menningar - 01.02.1983, Blaðsíða 67

Hringsól um braggahverfið
— Víst ma-ur, við sáum þetta, hann kassdaði lántum lengra en
flaggið með heinnsmedinu!
Tommi sagðist nú vera einsog nafni sinn postulinn þegar honum
væri sagt frá svona kraftaverkum. — En komiði inn strákar og
standið af ykkur skúrina.
Kapparnir voru hálf súrir yfir að Tommi virtist ekki almennilega
trúa fréttunum. Þeir höfðu séð þetta sjálfir og fullt af köllum með
málband og kva-eina!
En svo fór Grjóni að telja blöðin uppúr pokanum og verða
áhyggjufullur á svipinn. Það voru þrettán eftir! Hann braut
reiknisheilann og fann út að sig vantaði 30 blöð sem hann átti að vera
búinn að koma í hendur áskrifenda.
— Ja þið eruð gæfulegir djöflar, sagði Tommi, þið verðið bara að
fara útí sjoppu og kaupa þrjátíu blöð. Haaa! Kaupa aftur blöðin sem
þið voruð að enda við að selja! hahaha! Eg vildi ekki standa í
kaupmennsku með ykkur! Haha!
Grjóni var að velta því fyrir sér að fara niðrá skrifstofu blaðsins og
stela þessum eintökum sem á vantaði, en það var vesen og tæki
langan tíma og Badda leist ekkert á hugmyndina. Hann sagði Grjóna
bara að hringja niðrá skrifstofu og segjast ekki hafa fengið nema
þrettán blöð!
Lausnin fundin, það hafði komið fyrir að útkeyrslumaðurinn hafði
látið hann fá vitlausan pakka, í annað skiftið alltof mörg en í hitt of
fá. Grjóni bað Tomma um að lána sér símann.
En einsog búast mátti við var Tommi með einhverjar athugasemdir
við þetta plan. Þetta leist honum ekki á. Alger vitleysa!
— Nú akkvurju? Kva á ég þá a gera?
Tommi var hugsi og strauk hökuna heiðarlegur á svipinn.
— Það þýðir ekkert að ætla að segja að þú hafir ekki fengið nema
þrettán blöð. Svoleiðis kæmi aldrei fyrir. Enginn mundi pakka inn
þrettán blöðum og enginn útkeyrslumaður mundi villast á því að láta
þrettán stykki í staðinn fyrir fimmtíu.
Djövullans! Kva gáduðeir þá gert?
— Voðalega eruð þið vitlausir strákar! Auðvitað hringirðu maður
og segist engin blöð hafa fengið! Það er miklu sennilegra, að þú hafir
bara gleymst, eða pakkinn týnst eða verið stolið eða eitthvað.
★
57