Tímarit Máls og menningar - 01.02.1983, Side 91

Ég um þig
LJÓÐIÐ
Fólk,
staðir og stundir
hafa gert mér orð
í ljóð og sögur
en þú
gafst mér ævintýrið
orðlaust
og ljóðið sem lifir
aðeins í einu brjósti.
VÍSA
Það vex hér inná heiðinni ein veðruð jurt
sem vindar hafa ekki getað slitið burt.
Þó að nísti blöðin hennar bitur nál
ber hún lit að nýju um sumarmál.
Og þó að gráan hélustilk hún hneigi í svörð
hnarreist aftur rís hún er þiðnar jörð.
Það sem henni yljar best er auglit þitt.
— heiðin þar sem hefst hún við er hugskot mitt.
81