Milli mála - 01.06.2014, Qupperneq 7

Milli mála 6/2014 7

Frá ritstjóra

illi mála – tímarit um erlend tungumál og menningu kemur nú út í
sjötta sinn hjá Stofnun Vigdísar Finnbogadóttur í erlendum
tungumálum við Háskóla Íslands. Þessi árgangur markar ákveðin
tímamót í stuttri útgáfusögu tímaritsins þar sem ákveðið var að
leggja niður prentaða útgáfu Milli mála og birta tímaritið einungis í
opnum vefaðgangi. Milli mála er nú að finna á vefsíðunni Open
Journal System við Háskóla Íslands og einnig birtast greinar þess jafn-
óðum á vef Landsbókasafnsins: timarit.is. Sem fyrr kemur Milli mála
út einu sinni á ári.
Í þetta sinn eru fimm ritrýndar greinar í heftinu og eru þær
skrifaðar á íslensku, dönsku og frönsku. Í grein sinni um dönsku-
kunnáttu Íslendinga á 19. öld bendir Auður Hauksdóttir á að
Íslendingar hafi notað dönsku í samskiptum við Dani og einnig hafi
hún gegnt mikilvægu hlutverki innan stjórnsýslunnar. Margir Íslend-
ingar lærðu dönsku upp á eigin spýtur en danska var einnig kennd í
skólum, t.d. Lærða skólanum, þótt lítil áhersla væri lögð á talmál í
þeim kennsluaðferðum sem þá tíðkuðust. Eftir að farið var að
kenna á dönsku í Danmörku hafi margir íslenskir námsmenn því átt
erfitt með að skilja og tala tungumálið. François Heenen skrifar um
franska lýsingarþátíð (fr. imparfait) og afbrigðilega notkun hennar
þar sem þátíðarmerking og ólokið horf virðist ekki taka gildi. Hann
gerir grein fyrir ólíkum kenningum fræðimanna á þessu sviði og
bendir á að þar komi fram að í merkingu frönsku lýsingarþátíðar-
innar sé breyta sem þurfi að ákvarða, en til þess að finna breytuna
þurfi viðmælandinn að draga viðbótarályktanir sem bæði hann og
mælandinn geti ímyndað sér fyrir fram. Höfundurinn setur fram þá
tilgátu að í þessum tilvikum hafi lýsingarþátíðin pragmatískt hlut-
verk, henni sé ætlað að hafa hugræn áhrif og viðmælandinn eigi að
dragi ályktanir. Í greininni „Nærvera og heimspekileg fagurfræði í
skáldsögu Pascals Mercier Perlmanns Schweigen“ fjallar Gísli Magnús-
M