Dagblaðið Vísir - DV - 19.08.2011, Page 14

14 | Fréttir 19.–21. ágúst 2011 Helgarblað
Fimleikabolir  Tátiljur  Ballettskór  Jazz- og dansskór
Háaleit isbraut 68 · Sími 568 4240
Flottar jazz- og ballettvörur
í miklu úrvali
Þ
etta eru einfaldlega forkast-
anleg vinnubrögð og mér
finnst þau ekki lýðræðisleg,“
segir Andrés Pétursson, en
hann sagði sig úr Fram-
sóknarflokknum á fimmtudag í kjöl-
far skrifa Sigmundar Davíðs Gunn-
laugssonar, formanns flokksins.
Sigmundur skrifaði færslu á vefsíðu
sína á fimmtudag, sem bar titilinn
„Leggjum ESB-umsóknina til hliðar
– þjóðin ákvarði framhaldið“.
Í færslunni leggur Sigmundur til
að aðildarviðræður Íslands við Evr-
ópusambandið verði lagðar til hlið-
ar. Segir Sigmundur að Evrópusam-
bandið sé orðið svo mikið þrætuepli
að það standi í vegi fyrir afgreiðslu
mikilvægari mála. Gengur þessi yfir-
lýsing þvert á ályktun sem var sam-
þykkt með meirihluta atkvæða á
síðasta flokksþingi Framsóknar-
flokksins, sem kvað á um að hyggi-
legast væri að leiða aðildarviðræður
við ESB til lykta og því næst leggja
samninginn um aðild í dóm þjóðar-
innar.
Hrekur lykilmenn á brott
Andrés á sér langa sögu innan raða
Framsóknarflokksins. Hann starfaði
sem ritstjóri Framsýnar, var í stjórn
Framsóknarfélags Kópavogs og er
núverandi varabæjarfulltrúi þar í
bæ. Andrés er einnig núverandi for-
maður Evrópusamtakanna, þver-
pólitísks vettvangs áhugamanna um
Evrópusamvinnu. Hann er heldur
ekki sá eini sem ákvað að segja sig
úr Framsóknarflokknum í kjölfar
skrifa Sigmundar. Þeir Gestur Guð-
jónsson, sem hefur verið áberandi á
framboðslistum Framsóknar undan-
farinn áratug, og G. Valdimar Valdi-
marsson, lengi vel formaður mál-
efnanefndar og alþjóðanefndar
Framsóknarflokksins, ákváðu einnig
að segja sig úr flokknum.
Sigmundur hagar seglum
eftir vindi
„Ég get ekki séð annað en að upp-
setning síðasta flokksþings hafi ver-
ið með svipuðum hætti og árið væri
1930,“ segir Andrés, sem er ekki
ánægður með vaxandi áherslu for-
mannsins á þjóðernis- og einangr-
unarstefnu. Að einhverju leyti sé
hægt að líkja núverandi formanni við
Jónas frá Hriflu, einn aðsópsmesta
og umdeildasta stjórnmálamann Ís-
lands á 20. öldinni.
„Framsóknarflokkurinn hefur
nú alltaf verið opinn og víðsýnn að
mínu mati, flokkur sem rúmar fólk
með mismunandi skoðanir – hvort
sem það hefur verið veran í NATO
á sínum tíma eða EES-samningur-
inn. Það er greinilegt að þessi víð-
sýni er ekki lengur við lýði og þá hef
ég ekkert þarna að gera,“ segir Andr-
és og heldur áfram: „Þetta er bara
vegna núverandi erfiðleika í Evrópu
en hvað á svo að gera þegar betur fer
að ganga? Taka upp viðræður aftur?
Þetta er bara hentistefna og svona
stefna fellur ekki að minni lífssýn.“
DV gerði ítrekaðar tilraunir til að
ná í Sigmund Davíð Gunnlaugsson
við gerð fréttarinnar, en án árangurs.
n Formaður Framsóknarflokksions vill leggja aðildarviðræður við Evrópusambandið til hliðar
n Þrír lykilmenn sögðu sig úr flokknum í kjölfarið n Ekkert nema hentistefna, segir Andrés Pétursson
Sigmundur hrekur
lykilmenn á brott
„Þetta er bara
hentistefna og
svona stefna fellur ekki
að minni lífssýn.
Búinn að skipta um skoðun Skrif
Sigmundar ganga þvert á ályktun síðasta
flokksþings Framsóknarflokksins.
Andrés Pétursson Einn
þriggja framsóknarmanna
sem sögðu sig úr flokknum
vegna skrifa Sigmundar.
Björn Teitsson
blaðamaður skrifar bjorn@dv.is