Dagblaðið Vísir - DV - 19.08.2011, Qupperneq 17

Fréttir | 17Helgarblað 19.–21. ágúst 2011
Lán til endurbóta
og viðbygginga
Íbúðalánasjóður veitir lán til endurbóta á húsnæði að innan og utan.
Meðal annars eru veitt lán til lóðarframkvæmda og viðbóta við húsnæði.
Lán geta numið allt að 80% af framkvæmdakostnaði. Hámarkslán eru
20 milljónir og lánstími 5 til 40 ár. Sömu vextir eru á þessum lánum og
almennum lánum Íbúðalánasjóðs.
Borgartúni 21 | 105 Reykjavík | Sími : 569 6900, 800 6969
www.ils.is
Lést vegna
blóðtappa á
meðgöngu
H
anna Lilja Valsdóttir, 36
ára, lést á Landspítalanum
í Fossvogi af svokölluðum
mæðradauða, sunnudag-
inn 14. ágúst síðastliðinn.
Hún var þunguð og langt gengin
með tvíbura þegar hún fékk blóð-
tappa í fót sem fór upp í lungu, að
því að talið er, og lést hún í kjölfar-
ið. Tvíburunum, tveimur stúlku-
börnum, tókst að bjarga á síðustu
stundu og berjast þær nú fyrir lífi
sínu á vökudeild Landspítalans.
Samkvæmt fæðingarskráningu
kvenna- og vökudeildar Barnaspít-
ala Hringsins og Landspítala há-
skólasjúkrahúss teljast öll dauðsföll
þungaðra kvenna og allt að 42 dög-
um eftir fæðingu til mæðradauða.
Slík dauðsföll eru mjög fátíð á Ís-
landi.
Mikill samhugur
Fjöldaskilaboð hafa gengið á Face-
book síðustu daga þar sem fólk er
hvatt til að biðja fyrir tvíburasystrun-
um. Mikill samhugur hefur mynd-
ast og fjölmargir, bæði tengdir og
ótengdir fjölskyldunni, hafa deilt
skilaboðunum og vottað samúð sína.
„Hvet alla þá sem lesa þetta að biðja
fyrir nýfæddum tvíburasystrum sem
heyja baráttu fyrir lífi sínu á vöku-
deild eftir að móðir þeirra fékk blóð-
tappa i lungu og lést. Biðjum einnig
fyrir föður þeirra og tveimur systkin-
um fjögurra ára og átta ára. Þökkum
svo hverja stund sem okkur er gefin,“
segir í skilaboðunum. Þá hafa vinir
og vandamenn fjölskyldunnar opn-
að söfnunarreikning til styrktar fjöl-
skyldunni á þessum erfiðu tímum.
„Fyrir það elskuðu hana allir“
Aðafaranótt þriðjudags birti faðir
stúlknanna og eftirlifandi eiginmaður
konunnar, Gísli Kr. Björnsson, eftir-
farandi upplýsingar á Facebook-síðu
sinni, sem DV birtir hér með leyfi
aðstandenda: „Dætur okkar Hönnu
Lilju voru skírðar í dag og hlutu nöfn-
in [Stúlka 1] og [Stúlka 2]. Þær eru
enn mjög veikar, en þó mismikið.
[Stúlku 1] gengur mun betur og svar-
ar betur lyfjagjöf og læknismeðferð.
[Stúlku 2] líður ekki eins vel, því mið-
ur. Þó er ekki hægt að segja neitt til
um batahorfur. Við fjölskyldan von-
um það besta, og ég veit að það gerið
þið öll líka. Kær kveðja til ykkar allra.“
Samkvæmt heimildum DV eru báðar
stúlkurnar enn í öndunarvél.
Á Facebook-síðu sinni þakkar
Gísli jafnframt fyrir allar fallegu
kveðjurnar sem fjölskyldunni hafa
borist. Hann skrifar einnig falleg
minningarorð um fráfallna eigin-
kona sína. Gísli segir hana hafa
verið einstaka konu með stórt
hjarta og fallega sál sem snart alla
sem á leið hennar urðu. „Fyrir það
elskuðu hana allir,“ skrifar hann.
n Nýfæddar tvíburasystur berjast nú fyrir lífi sínu n Móðir
þeirra lést af barnsförum, eða svokölluðum mæðradauða
Sólrún Lilja Ragnarsdóttir
blaðamaður skrifar solrun@dv.is
„Gísli segir hana
hafa verið ein-
staka konu með stórt
hjarta og fallega sál sem
snart alla sem á leið
hennar urðu.
Beðið fyrir tvíburasystrum Fjölda-
skilaboð hafa gengið um Facebook síðustu
daga þar sem fólk er hvatt til að biðja fyrir
nýfæddum tvíburasystrum, en móðir þeirra
lést af barnsförum. (Myndin tengist frétt-
inni ekki beint.)
1 til 2 af 1.000
fá blóðtappa
Á
vefnum ljósmóðir.is, sem er
upplýsingavefur fyrir verð-
andi foreldra, er að finna
upplýsingar um blóðtappa
á meðgöngu og er það Steinunn
H. Blöndal, ljósmóðir og hjúkrun-
arfræðingur, sem tók saman upp-
lýsingarnar. Þar segir að allir geti
fengið blóðtappa og að erfðir hafi
þar töluverð áhrif. Á meðgöngu
hafi blóðið hins vegar allt að sex
til tífallt meiri tilhneigingu til að
storkna og er það meðal annars
vegna aukins magns estrógens í
blóði. „Sumir telja að þetta sé að-
lögun líkamans að því að minnka
líkur á blæðingu eftir fæðingu,“
segir á vefsíðunni. Að meðaltali
ein til tvær konur af hverjum 1.000
fá blóðtappa í stóru bláæðarnar á
meðgöngu og algengast mun vera
að slíkir tappar myndist í fótum.
Mikið dregur úr hraða blóðflæðis í
fótum á meðgöngu. Flæðið dregst
jafnt og þétt saman frá 16. viku og
er í lágmarki við lok fæðingar.
Lífshættulegt ástand
sjaldgæft
Samkvæmt upplýsingum af síð-
unni eru orsakir blóðtappamynd-
unar óþekktar, en talið er að
konum sem hafi veikleika í æða-
veggjum og lokum bláæða sé
hættara við að fá blóðtappa.
Þegar blóðtappi í fæti leys-
ist upp er möguleiki á að leifar af
honum fari með blóðrásinni upp í
lungu og loki lungnaæðinni. Slíkt
ástand getur verið lífshættulegt en
mun vera mjög sjaldgæft. Leifar
blóðtappa geta einnig borist upp í
heila en það er einnig mjög sjald-
gæft. „Eftir því sem ég kemst næst
eru horfur á bata ef þetta á sér stað
í tengslum við barnsburð góðar,“
skrifar Steinunn á síðunni.
Fyrirbyggjandi aðgerðir
Konur sem eru í áhættuhópi vegna
blóðtappamyndunar fara yfirleitt í
blóðþynnandi meðferð undir lok
meðgöngu í samráði við lækni.
Konur geta þó sjálfar gert ýmislegt
fyrirbyggjandi til að minnka álag á
bláæðarnar í fótunum.
n Vera í styrktarsokkum (mikil-
vægt er þó að nota rétta stærð)
n Passa upp á að hvíla fætur í lá-
réttri stöðu yfir daginn
n Forðast stöðugar setur eða
standandi stöður
n Forðast að krossleggja fætur
n Gera léttar pumpuæfingar fyrir
fætur
n Fara í sundferðir og kraftgöngur
Mæðradauði fátíður
Eins og áður sagði er mæðradauði
mjög fátíður á Íslandi. Samkvæmt
upplýsingum úr skýrslum fæð-
ingarskráningarinnar eru aðeins
skráð tvö tilfelli af mæðradauða
á frá árinu 2000. Þrjú með andláti
Hönnu Lilju. Þó vantar upplýsing-
ar fyrir árið 2010. Í skýrslu frá árinu
2003 er stuttur sérkafli um mæðra-
dauða, en það ár lést 26 ára gömlu
kona sem gengin var um 12 vikur.
Í því tilfelli var um að ræða skyndi-
dauða, að öllum líkindum vegna
arfgengrar hjartsláttartruflunar
sem hugsanlegt er að hafi versn-
að vegna þungunarinnar, að því er
segir í skýrslunni.
Styrktarreikningur
fjölskyldunnar
Reikningsnúmer:
0322-13-700345
Gísli Kr. Björnsson,
kt.: 080171-5529