Frjáls verslun - 01.10.2013, Blaðsíða 13

FRJÁLS VERSLUN 10. 2013 13
5. Eru í starfi innan fyrir­
tækis ins sem hentar þeim
ekki miðað við hæfni
þeirra eða getu.
Það er ljóst að það að vera
með slíkan fjölda af óvirku
starfs fólki í vinnu getur verið
mjög kostnaðarsamt og óeðli­
legt og því ættu vinnustaðir að
huga að virkni starfsmanna­
hópsins í heild og finna leiðir til
að auka hana.
Hvernig má auka virkni
starfsfólks?
Sýnt hefur verið fram á fylgni
ýmissa þátta í starfsumhverfi
starfsfólks við virkni þess.
Helstu þættir sem hafa áhrif
á virkni og komið hafa fram í
rannsóknum eru:
1. Starfsfólk finni að hlustað
sé á skoðanir þess og að
álit þess skipti máli.
2. Starfsfólk viti nákvæm­
lega til hvers er ætlast
af því og að væntingum
til þess sé komið skýrt á
framfæri.
3. Viðurkenning og hrós.
4. Möguleikar á að læra og
þróast í starfi.
5. Stuðningur við úrlausn
vandamála.
6. Yfirmaður styðji og verji
sitt fólk ef og þegar á þarf
að halda.
Af þessum atriðum sést með
skýrum hætti að stjórnendur
gegna lykilhlutverki þegar kem­
ur að virkni starfsfólks.
Þekkingarsetur um þjónandi
forystu hefur unnið að rann­
sókn um á vægi þjónandi forystu
á vinnustöðum hér á landi og
í þeim hefur eftirfarandi komið
fram: „Því betra sem sam­
band starfsfólks er við næsta
yfirmann þeim mun líklegra
er að starfsmanni gangi vel í
vinnu, hafi góða starfsorku, hafi
jákvætt viðhorf til vinnunn ar og
sé ánægður í starfi. Uppbyg­
gilegt viðhorf næsta yfir manns,
skýr sýn á tilgang starfanna
og eflandi samskipti eru hér
lykilþættir. Áhugi næsta yfir­
manns á velferð starfs mannsins
og tækifæri starfs fólks til að
vaxa og dafna hafa sterkust
tengsl við góðan ár angur
varðandi líðan og virkni á vinnu ­
stað.“
Áhrif stjórnenda á
virkni starfsfólks og
ár angur vinnustaða
Virkni sker sig ekkert frá mörg­
um öðrum þáttum sem rannsak­
aðir eru varðandi starfsfólk og
vinnustaði; samband starfsfólks
við næsta yfirmann kemur alltaf
upp sem veigamesta breytan
eða skýringin. Það hversu
mikil samskipti starfsfólk á við
sinn næsta yfirmann, hvort
yfirmaðurinn veitir endurgjöf,
hvetur, veitir stuðning og er til
staðar og almennt lætur starfs­
manninn vita að hann og hans
álit og framlag skipti máli.
Það er því út frá skoðun á
virkni, eins og mörgu öðru
í starfsumhverfinu, sem við
sjáum aftur og aftur að árangur
fyrirtækja byggist ekki síst á
hversu vel stjórnun er sinnt og
hversu góðir stjórnendur eru
í að byggja upp og viðhalda
sambandi við sitt fólk.
Virkni starfsfólks skiptir miklu máli fyrir rekstrar­legan árangur vinnu­
staða. Bæði vinnuveit endur og
starfsfólk þurfa að skoða sinn
þátt í að auka virknina og ná
hámarksframlagi frá starfsfólki
og hvernig það getur orðið
virkara í starfi og á sama tíma
upplifað ánægju í starfi – sem
aftur hefur áhrif á lífsgæði
þeirra.
Hvað gerir þú til að auka virkni
á þínum vinnustað?
Virkni á Vinnustöðum
Virkir og ánægðir 34%
Óvirkir og óánægðir 22%
Hlutlausir 44%