Frjáls verslun - 01.10.2013, Síða 52

52 FRJÁLS VERSLUN 10. 2013
græjur
Samsung Galaxy S4
snjallsími (verð frá 99.990, t.d. hjá helstu
símafyrirtækjum). GalaxyS­línan er flaggskip Samsung­
snjallsím anna sem hafa notið fádæma vinsælda síðustu
ár. Galaxy S4 er ekki svo ýkja frábrugðinn fyrirrennara
sínum, S3, en það er kannski bara hið besta mál – til
hvers að laga það sem ekki er bilað? Galaxy S4 er með
einstaklega skýrum, björtum og stórum skjá sem hentar
sérstaklega vel til að horfa á myndir eða vídeó og spila
leiki. Myndavélin er góð, vinnslugetan er til fyrirmyndar og
hönnunin smekkleg og létt, þótt vissulega fari svolítið fyrir
símanum í vasa eða veski.
Haswell frá intel
örgjörvar (mismunandi verð, innbyggðir í tölvur). Haswell er
fjórða kynslóð hinna vinsælu Core­örgjörva frá Intel, sem notaðir
eru í flestar öflugri far­ og borðtölvur heimsins. Haswell­örgjörv­
arnir hafa reynst frábærlega í prófunum frá því að þeir komu
á markað. Ekki er nóg með að þeir séu öflugri en eldri útgáf ur,
heldur eru þeir líka umtalsvert sparneytnari, sem þýðir að raf ­
hlöðu ending eykst. Intel hannaði Haswell sérstaklega með far­ og
spjaldtölvur í huga og verður áhugavert að fylgjast með þróuninni
á spjaldtölvumarkaðnum í kjölfarið. Verður nú loks hægt að fram­
leiða spjaldtölvur með vinnslugetu á við hefðbundn ar fartölvur?
Google Nexus 7 (önnur kynslóð)
spjaldtölva (verð frá 57.990 kr., t.d. hjá www.tolvulist­
inn.is). Þeir sem halda að spjaldtölvumarkaðurinn saman­
standi af iPad­tölvum frá Apple annars vegar og óverðugum
keppi nautum hins vegar hafa greinilega ekki kynnt sér
nýjustu útgáfuna af Nexus 7. 2013­árgerðin af Nexus 7 er
önnur kynslóð þessara spjaldtölva frá Google og með henni
tókst að finna gott jafnvægi milli vinnslugetu og verðs.
Nexus 7 er með frábæran skjá, fínasta vélbúnað og verðið
er lágt í samanburði við fyrrnefndar iPad­tölvur.
Panasonic lumix lF1
myndavél (verð 94.900 kr. hjá beco.is). Nú þegar snjallsímarnir
eru komnir langt með að gera út af við ódýrustu myndavélarnar er
þessi verðflokkur stafrænu myndavélanna í raun orðinn sá lægsti
sem skiptir máli. Panasonic Lumix LF1 telst til dýrari tækifæris­
myndavéla – þ.e. þeirra véla sem ljósmyndarar kaupa sér ef þeir
sætta sig ekki við myndavél snjallsímans og vilja hafa handhæga
en öfluga myndavél ávallt við höndina. Sem slík er Lumix LF1
góður kostur, með 7.1x zoom, góðan skjá til að skoða myndir og
háskerpuvídeótöku.