Frjáls verslun - 01.10.2013, Síða 53

FRJÁLS VERSLUN 10. 2013 53
græjur
HTC one
snjallsími (verð frá 109.990 kr., t.d. hjá helstu
símafyrirtækjum). HTC One er án efa einn besti
síminn sem kom á markaðinn á árinu, þótt hann hafi
ekki fengið sömu athygli og Galaxy S4 eða iPhone
5s. Skjáupplausnin er með því mesta sem í boði er
og er hrein unun að horfa á myndir eða myndskeið
í HTC One. Myndavélin er frábær, sérstaklega í
slæmum birtuskilyrðum, og stórir hátalarar gera
það mögulegt að nýta símann til að spila tónlistina
ekki bara í heyrnartólum, heldur líka án þeirra. Þá
þykir hugbúnaðurinn sem HTC hefur byggt ofan á
Android­stýrikerfið í One afar vel heppnaður.
lenovo Thinkpad X1 Carbon
Fistölva (verð frá 229.915 kr. á www.netverslun.is). Thinkpad­
fartölv urnar hafa jafnan verið í fararbroddi í fartölvuþróuninni og hafa
sér staklega verið eftirsóttar í hinum kröfuharða heimi far­ og fistölva
fyrir vinnumarkaðinn. Þær gerast varla betri en X1 Carbon­tölvurnar,
sem eins og nafnið gefur til kynna eru búnar til úr koltrefjum. Það
gerir þær einstaklega þunnar og léttar – þrátt fyrir að vera með 14
tommu skjá vega þær bara rétt yfir 1,3 kg. X1 Carbon er hins vegar
ekki í neinni fjaðurvigt hvað vinnslugetu varðar, því afköstin eru fyrsta
flokks. Lenovo hefur að auki gert útgáfu af þessum tölvum með
snerti skjá, X1 CarbonTouch, sem þykir vel heppnuð.
Dell XPS 18
Borðtölva/spjaldtölva (verð 229.990 kr. hjá www.advania.is).
Nú þarf ekki lengur að vera alltaf að skipta á milli borðtölvunnar
á skrifborðinu og spjaldtölvunnar á flakkinu. XPS 18 frá Dell er
nefnilega hvort tveggja í senn. Þessi græja er með 18 tommu
snertiskjá og keyrir borðtölvuútgáfuna af Windows 8. Það er
hægt að nota hana sem borðtölvu með því að smella henni á
þar til gerðan stand, en sé hún tekin upp breytist hún í einstak­
lega öfluga spjaldtölvu – þótt vissulega sé hún fyrirferðarmikil
sem slík. Einhverjir hafa sjálfsagt áhyggjur af rafhlöðuendingu á
svona græju, en prófanir sýna samt að endingin er glettilega góð.
Fujifilm X100S
myndavél (verð 214.900 kr., t.d. hjá ljosmyndavorur.is). X100S
er arftaki hinnar vinsælu X100 frá Fuji. Hún heldur sama flotta
gamaldags útlitinu og í raun öllu því sem gerði fyrirrennarann að
einni bestu myndavélinni á markaðnum – en bætir um betur með
betri myndflögu og betri myndvinnsluörgjörva. X100S er því frábær
kostur fyrir þá sem vilja hafa netta og létta vél við höndina sem tekur
engu að síður fyrsta flokks myndir.
HTC One er án efa einn besti
síminn sem kom á markaðinn
á árinu, þótt hann hafi ekki
fengið sömu athygli og Galaxy
S4 eða iPhone 5s.