Frjáls verslun - 01.10.2013, Page 84
84 FRJÁLS VERSLUN 10. 2013
Fatahönnun
Í ennþá óhefðbundnari átt
mundi
Mundi rekur verslun í Reykjavík auk þess að
selja hönnun sína víða um heim.
„Ég hef alltaf lagt mikla áherslu á að selja
heima en þar sem markaðurinn er ekki nógu
stór til þess að bera frumlegt fatamerki eins og
mitt var nauðsynlegt að fara að selja erlendis
og eyddum við miklum tíma og orku í það.
Ég er að færa mig lengra út í mína sérstöðu og
gera sérstakar flíkur og hætta fjölda fram leiðslu
enda munu þau samstarfsverkefni sem ég er að
fara út í alveg sjá um það. Mín eigin lína verð ur
andstæðan við það. Ég ætla með hana í ennþá
óhefðbundnari átt, sem ég veit að mun gera
hana ennþá erfiðari í sölu en ég hef tækifæri á
því þar sem ég fæ tekjur annars staðar frá.“
Mundi segir að verið sé að endurskipuleggja
rekst urinn um þessar mundir. „Ég er að færa mig
meira út í samstarfsverkefni og er með nokkur í
bígerð sem er ekki tímabært að segja frá.“
Mundi segist leggja áherslu á textílinn í hönn -
un sinni sem og mynstrin, sem eru prjón uð
eða prentuð í nýju línunni, Mundi 66° North.
„Sniðin eru praktísk,“ segir hann og bætir við
að hann hanni föt sem hann myndi vilja ganga
í sjálfur.
„Ég geri ráð fyrir að leggja meiri áherslu á ab -
strakt form í framtíðinni og hræra þeim meira
saman við lis t ina sem ég hef verið að vinna að;
kafa dýpra í þann heim sem ég er byrj aður að
krafsa í.“
Mundi segir að í íslenskri hönnun sé nauð -
synlegt að öll efni og framleiðsluaðferðir
séu náttúruvæn. „Það er mikill áhugi fyrir
ís lenskri hönnun úti í heimi og það er þess
vegna nauðsynlegt að við stöndum saman um
að halda því orðspori í toppformi og gera það
sem við kunnum best, sem er að vera frumleg,
skemmti leg og ögrandi.“
Guðmundur Hallgríms
son: „Þar sem heimam
arkaðurinn er ekki nógu
stór til þess að bera frumlegt
fatamerki eins og mitt var
nauðsynlegt að hefja sölu
erlendis.“
Guðmundur Hallgrímsson.