Peningamál - 01.11.2006, Page 4

INNGANGUR
P
E
N
I
N
G
A
M
Á
L

2
0
0
6
•
3
4
Meira aðhald í fjármálum hins opinbera gæti fl ýtt fyrir þeirri þró-
un. Staða ríkissjóðs er vissulega blómleg um þessar mundir og betri en
áður var talið, einkum vegna aukinna tekna sem rekja má til uppgangs-
ins í atvinnulífi nu. Það léttir hins vegar ekki þeirri skyldu af stjórnvöld-
um að gera það sem í þeirra valdi stendur til þess að draga úr ójafnvægi
í þjóðarbúskapnum. Seðlabankinn tekur ekki afstöðu til ákvarðana
löggjafans um skattabreytingar en tímasetning þeirra skiptir máli fyrir
framgang peningastefnunnar. Það er markmið nýkynntra ákvarðana
að auka kaupmátt ráðstöfunartekna almennings. Þær ákvarðanir munu
hins vegar draga úr aðhaldi og tefja því fyrir nauðsynlegri aðlögun
þjóðarbúskaparins. Aðgerðirnar draga ekki úr undirliggjandi verðbólgu
þótt mæld verðbólga minnki um sinn. Rýmkun heimilda Íbúðalána-
sjóðs til lánveitinga sem rædd hefur verið yrði einnig til þess fallin að
ýta undir eftirspurn.
Af framangreindum ástæðum er lækkun stýrivaxta enn ekki í
augsýn þótt verðbólguhorfur hafi batnað til muna. Þvert á móti er ekki
hægt að útiloka hækkun stýrivaxta til þess að ná verðbólgumarkmið-
inu innan ásættanlegs tíma og greiningin sem hér liggur fyrir bendir
til þess að enn sé ástæða til þess að auka aðhald í peningamálum.
Bankastjórn Seðlabanka Íslands hefur þó ákveðið að fresta því um sinn
enda eru vextir nú þegar býsna háir og aðhald þeirra töluvert auk þess
sem verðbólguhorfur eru betri en um miðbik ársins. Í ljósi þess hve
óvissa er enn mikil og hve langt er í næstu útgáfu Peningamála hefur
bankastjórn ákveðið að bæta við einum vaxtaákvörðunardegi á árinu
umfram þá sem áður höfðu verið tilkynntir. Næsti ákvörðunardagur
stýrivaxta verður því fi mmtudagurinn 21. desember 2006. Ákvörðun
þá verður byggð á greiningunni í þessu hefti Peningamála og þeim
viðbótarupplýsingum sem tiltækar verða á ákvörðunardegi.