Peningamál - 01.03.2007, Page 91

Nóvember 2006
Hinn 1. nóvember voru kaup ríkissjóðs á hlutum Reykjavíkur og Ak-
ureyrar í Landsvirkjun staðfest með undirskrift kaupsamnings með fyrir-
vara um samþykki kjörinna fulltrúa.
Hinn 9. nóvember staðfesti alþjóðlega matsfyrirtækið Fitch Ratings
lánshæfi seinkunnir ríkissjóðs Íslands AA-/ AAA. Horfur voru áfram
taldar neikvæðar.
Hinn 24. nóvember samþykkti Alþingi stjórnarfrumvarp um að auka
við úthlutaðar vaxtabætur ársins í samræmi við fyrirheit ríkisstjórnar-
innar við endurskoðun kjarasamninga í júní 2006.
Hinn 27. nóvember var hlutafé Kaupþings banka hf. hækkað um 666
milljónir króna að nafnvirði. Hlutafjáraukningin gerðist með útboði á
nýjum hlutum til alþjóðlegra stofnanafjárfesta. Hinn 1. desember var
hlutafé Kaupþings hækkað á ný, eftir nýtingu umframsöluréttar, um 99
milljónir króna að nafnvirði. Skráð hlutafé félagsins eftir hækkanirnar
er 7.404.530.530 krónur að nafnvirði.
Í nóvember tók ríkissjóður 1 milljarðs evra lán til fi mm ára á alþjóð-
legum skuldabréfamarkaði. Andvirði þess var að fullu varið til efl ingar
gjaldeyrisforða Seðlabanka Íslands
Desember 2006
Hinn 1. desember hófu bankar á millibankamarkaði með gjaldeyri
að nota evru í stað Bandaríkjadals í kaup- og sölutilboðum sem við-
skiptavakar setja fram. Skuldbinda þeir sig til að setja fram tilboð í þrjár
milljónir evra. Viðskiptavakar halda áfram að setja fram verðtilboð í
Bandaríkjadal eftir sem áður.
Hinn 1. desember voru hlutir OMX AB skráðir á aðallista Kauphall-
ar Íslands. Skráning OMX var fyrsta tvíhliða skráningin í Kauphöllina.
Frumskráning OMX er í kauphöllinni í Stokkhólmi.
Hinn 4. desember voru fjárlög ríkisins fyrir árið 2007 samþykkt. Af-
gangur á reglulegum rekstri er áætlaður 9 ma.kr., heildarfjárhæð tekna
376 ma.kr. og heildargjöld 367 ma.kr.
Hinn 4. desember voru samþykkt fjáraukalög fyrir árið 2006. Viðbótar-
tekjur námu 44 ma.kr. en gjöld 20 ma.kr. og lántökuheimildir voru
auknar um 87 ma.kr. vegna styrkingar á gjaldeyrisvarasjóði Seðlabank-
ans.
Hinn 8. desember samþykkti Alþingi að breyta Lánasjóði sveitarfélaga
í opinbert hlutafélag.
Hinn 8. desember var samþykkt í ríkisstjórn að hækka atvinnuleysis-
bætur um 2,9% þann 1. janúar 2007 í stað áður áformaðrar 2,25%
hækkunar.
Hinn 8. desember samþykkti Fjármálaeftirlitið samruna Sparisjóðs vél-
stjóra og Sparisjóðs Hafnarfjarðar.
Annáll efnahags- og peningamála