Peningamál - 01.07.2007, Blaðsíða 24

ÞRÓUN OG HORFUR
Í EFNAHAGS- OG PENINGAMÁLUM
P
E
N
I
N
G
A
M
Á
L

2
0
0
7
•
2
24
einnig að hagvöxtur verði hverfandi á þessu ári. Sérfræðingarnir eru
sammála um að hagvöxtur glæðist nokkuð á árinu 2008 og hækki í
um 3,5%. Ef litið er til ársins 2009 búast þeir að meðaltali við tæp-
lega 3% hagvexti. Grunnspá Seðlabankans er nokkuð frábrugðin.
Spáð er tæplega 1% hagvexti á næsta ári og samdrætti árið 2009.
Þess ber hins vegar að gæta að fl estir sérfræðingarnir búast við frek-
ari stóriðjuframkvæmdum á næstu árum.
Sérfræðingarnir spá sterkri krónu fram á næsta ár
Gengi krónunnar hefur hækkað verulega á undanförnum mánuðum.
Sérfræðingarnir spá að gengisvísitalan verði að meðaltali rúmlega
120 stig að ári og u.þ.b. 125 stig eftir tvö ár. Sérfræðingarnir meta
horfur um gengisþróun eitt ár fram í tímann nokkuð mismunandi.
Svörin liggja á bilinu 112-130 stig. Í grunnspá Seðlabankans er
gengisþróunin svipuð, gengisvísitalan er að meðaltali tæplega 120
stig á næsta ári en 128 stig á árinu 2009.
Hærri stýrivextir á spátímabilinu
Stýrivaxtaspá sérfræðinganna er nokkurn veginn í samræmi við birt-
an stýrivaxtaferil í síðustu Peningamálum. Stýrivextir Seðlabankans
hafa verið óbreyttir í 13,3% síðan í desember sl.2 Sérfræðingarnir
spá því að stýrivextir verði að meðaltali rúmlega 11% eftir eitt ár,
tæplega 7% eftir tvö ár og tæplega 6% eftir þrjú ár. Þeir reikna allir
með að stýrivextir verði lækkaðir á síðasta fjórðungi þessa árs.
Ekkert lát á hækkun eignaverðs
Hlutabréfaverð hefur hækkað verulega á undanförnum mánuðum
og úrvalsvísitalan slegið hvert metið á fætur öðru. Hinn 20. júní sl.
stóð vísitalan í tæpum 8.200 stigum, sem er um 9% hækkun frá
miðjum mars. Að meðaltali spá sérfræðingarnir því að úrvalsvísitalan
standi í tæpum 9.500 stigum eftir eitt ár og rúmum 10.700 stigum
eftir tvö ár.
Húsnæðisverð hefur fylgt sömu þróun að undanförnu, enda
yfi rleitt jákvæð fylgni milli eignaverðs og gengis krónunnar. Sérfræð-
ingarnir búast að meðaltali við að fasteignaverð hækki um rúmlega
4½% á næstu tólf mánuðum og haldi svo áfram að hækka á spá-
tímabilinu um 2-3% á ári.
Yfirlit yfir spár sérfræðinga á fjármálamarkaði1
2007 2008 2009
Meðaltal Lægsta gildi Hæsta gildi Meðaltal Lægsta gildi Hæsta gildi Meðaltal Lægsta gildi Hæsta gildi
Verðbólga (milli ársmt.) 4,4 4,4 4,5 3,6 2,8 4,3 3,0 2,5 3,8
Hagvöxtur 1,3 0,5 2,0 3,4 2,5 4,2 2,8 2,6 3,0
Júní 2008 Júní 2009 Júní 2010
Verðbólga 3,8 3,7 3,9 3,1 2,6 3,9 2,7 2,5 3,2
Gengisvísit. erl. gjaldmiðla 121 112 130 125 122 127 127 125 130
Stýrivextir Seðlabankans 11,3 11,1 11,6 6,8 6,6 7,0 5,8 5,8 5,8
Langtímanafnvextir2 7,5 6,8 8,4 6,7 6,1 7,6 6,5 6,0 7,2
Langtímaraunvextir3 3,8 3,8 3,9 3,5 3,4 3,6 3,4 3,3 3,5
Úrvalsvísitala aðallista 9.470 8.750 10.003 10.736 9.800 11.457 12.294 11.000 13.529
Ársbreyting fasteignaverðs 4,6 4,0 5,0 2,1 1,5 2,5 2,7 2,5 3,0
1. Taflan sýnir breytingu milli tímabila í % nema að því er varðar gengi, vexti og úrvalsvísitölu. Sýnd eru þau gildi sem spáð er fyrir vexti (%), gengisvísitölu erlendra gjaldmiðla
(stig) og úrvalsvísitölu aðallista (stig). Þátttakendur í könnuninni eru greiningardeildir Glitnis hf., Kaupþings hf. og Landsbanka Íslands hf. 2. Ávöxtunarkrafa í tilboðum
viðskiptavaka í ríkisbréf (RIKB 13 0517). 3. Ávöxtunarkrafa í tilboðum viðskiptavaka í íbúðabréf (HFF150644).
Heimild: Seðlabanki Íslands.
2. Ný framsetning stýrivaxta tók gildi 21. júní sl. og eru stýrivextir nú settir fram sem nafn-
vextir í stað ávöxtunar á ársgrundvelli. Stýrivextir eru því 13,3% sem samsvarar 14,25%
ársávöxtun. Svörum greiningaraðila hefur því verið umbreytt í nafnvexti til samræmis.