Peningamál - 01.07.2007, Blaðsíða 80
ANNÁLL
P
E
N
I
N
G
A
M
Á
L
2
0
0
7
•
2
80
Hinn 13. júní var á Alþingi kjörið nýtt bankaráð að viðhafðri hlutfalls-
kosningu, skv. 26 gr. laga nr. 36 frá 22. maí 2001, um Seðlabanka
Íslands. Aðalmenn eru: Halldór Blöndal, Erna Gísladóttir, Ragnar Arn-
alds, Hannes Hólmsteinn Gissurarson, Jón Sigurðsson, Jónas Hall-
grímsson og Jón Þór Sturluson. Varamenn eru: Halla Tómasdóttir, Birgir
Þór Runólfsson, Tryggvi Friðjónsson, Sigríður Finsen, Sigríður Ingibjörg
Ingadóttir, Ingibjörg Ingvadóttir og Valgerður Bjarnadóttir. Á fyrsta
fundi bankaráðsins var Halldór Blöndal kjörinn formaður og Jón Sig-
urðsson varaformaður.
Hinn 13. júní var samþykkt breyting á lögum um almannatryggingar
og lögum um málefni aldraðra. Samkvæmt henni eiga atvinnutekjur
lífeyrisþega, 70 ára og eldri, ekki að skerða lífeyrisgreiðslur frá Trygg-
ingastofnun. Breytingin er talin kosta ríkissjóð 6-700 m.kr. á ári.
Hinn 21. júní tóku gildi nýjar reglur um viðskipti fjármálafyrirtækja við
Seðlabanka Íslands. Einkum var um tæknilegar breytingar að ræða en
endurskoðunin fól meðal annars í sér tvær breytingar sem ástæða er til
að nefna. Ákveðið var að breyta heitinu á fyrirgreiðslu Seðlabankans
sem stýrivextirnir gilda um. Endurhverf verðbréfaviðskipti heita nú lán
gegn veði því að í reynd var ekki um endurhverf verðbréfaviðskipti að
ræða. Hin breytingin snéri að framsetningu stýrivaxta. Seðlabankinn
hefur tilkynnt stýrivexti sína sem ávöxtun á ári en ekki sem nafnvexti.
Ákveðið var að framvegis verði allir vextir Seðlabankans settir fram og
tilkynntir sem nafnvextir.