Múlaþing: byggðasögurit Austurlands - 01.01.1995, Side 129
MULAÞING
127
Þá var samþ. tillaga frá Hákoni á Klaustri, um að skrásetja í eina bók,
á sterkan pappír, allt sem fram fór á samkomu þessari, svo nákvæmlega
sem unnt er, og auk þess stutta lýsingu á sveitinni og fbúum hennar, eins
og það er nú um þessi aldamót, til fróðleiks fyrir eftirkomendurna.
Halldór Stefánsson á Klaustri og Hákon sungu duett: „Friðþjófur og
Björn“ og þótti góð skemmtun.
Að endingu þakkaði Guttormur alþingismaður fyrir hönd forstöðu-
nefndarinnar gestunum fyrir komuna, og fyrir það hve góðan þátt hver
einstaklingur hefði átt í því að gjöra samkomuna sem ánægjulegasta, en
sérstaklega kvaðst hann verða að þakka mönnum fyrir gleði- og ánægju-
svipinn á andlitum þeirra þrátt fyrir alla næturvökuna, því það væri full-
komin sönnun fyrir því að þeir ekki iðruðust eftir komunni.
Þá var sungið: „Vegir skiljast“ og allra seinast þegar flestir voru
komnir á hesta sína var sungin eftirfylgjandi gamanvísa sem Hákon
Finnsson hafði ort.
„Samkoman enduð er,
öllum, sem voru hér
þakkir sé þeim.
Halur og hýrleg snót
hittast, og það er bót
um næstu aldamót
öðrum í heim.“
Lýkur Austragrein.
Árið 1906 sigldi Hákon til Skotlands og stundaði þar nám um tíma.
Veturinn 1907-08 rak Hákon unglingaskóla á Seyðisfirði og á Breiða-
vaði í Eiðaþinghá 1909-10, en bjó í Mýnesi frá 1907. Á því ári giftist
hann Ingiríði Guðmundsdóttur, fæddri 28. október 1877, frá Hraunbóli í
Hörglandshreppi í Vestur-Skaftafellssýslu. í Mýnesi eignuðust þau eina
dóttur, Heiðrúnu, sem fæddist 17. desember 1908. Frá Mýnesi fer Há-
kon að Arnhólsstöðum í Skriðdal í S-Múlasýslu. Þar fæddust þeim hjón-
um tvö börn, Skírnir, fæddur 7. júní 1911 og Björk, fædd 25. október
1916.
Það var árið 1910, sem Hákon flytur frá Mýnesi að Arnhólsstöðum.
Hafði hann fengið ábúðarrétt á jörðinni til 10 ára.
Arnhólsstaðir eru fremur stór jörð, talsvert kjarri vaxin og góð til
sauðbeitar, en ákaflega erfið fyrir einyrkja.