Múlaþing: byggðasögurit Austurlands - 01.01.1995, Side 163

EINAR VILHJÁLMSSON:
Hlutafélagið Garðar á Seyðisfirði
Forgöngumaður að stofnun hlutafélagsins Garðars á Seyðisfirði var I.
M. Hansen kaupmaður þar. Hann hafði komið til Seyðisfjarðar frá Nor-
egi á vegum Otto Wathne og var verslunarstjóri hjá honum. Hansen var
mikill tungumálamaður, hafði ferðast víða um heim og mörgu kynnst.
Að tilstuðlan Otto Wathne var Hansen gerður enskur vísikonsúll á Seyð-
isfirði.
Árið 1896 hóf hann rekstur eigin verslunar í húsi sínu á Búðareyri.
Um veturinn fór Hansen til Frakklands og Belgíu í þeim tilgangi að
koma á fót útgerðarfyrirtæki á Seyðisfirði með þátttöku erlendra aðila.
Ekki varð árangur af þeirri ferð. Veturinn eftir fór Hansen til Esbjerg í
sama tilgangi og með sömu erindislokum. En þegar Hansen var að búast
til heimferðar í Kaupmannahöfn hitti hann af hendingu í leikhúsi mann
að nafni C. B. Hermann er stuttu áður hafði stofnað togarafélagið Frem í
Esbjerg. Hann kynnti fyrir Hermann hugmyndir sínar um stórútgerð á
Seyðisfirði með erlendri aðild. Varð að samkomulagi á milli þeirra að
Hermann útvegaði fjármagn til þessara framkvæmda, en Hansen fengi
land til umráða á Seyðisfirði fyrir félagið og innlenda menn til sam-
starfs, stjórnar og tryggingar fyrir lagalegum rétti til starfseminnar.
Útgerðarfélagið Garðar var síðan stofnað á Seyðisfirði 31. maí 1898.
Hlutafé var 180,000 kr. Stjórn félagsins skipuðu: C. G. Hermann í
Esbjerg formaður stjórnar og framkvæmdastjóri, I. M. Hansen konsúll
Seyðisfirði, Stefán Th. Jónsson kaupmaður og úrsmiður s. st., Kristján
Kristjánsson læknir s. st. og Þorsteinn Erlingsson ritstjóri s. st. Lög-
fræðilegur ráðunautur félagsins var cand. jur. Björgvin Vigfússon. Sam-
þykkt var á stofnfundinum að útgerðarfélagið Frem í Esbjerg sendi tvo
af togurum sínum til Seyðisfjarðar og skyldi þeim haldið út þaðan. Skip-
in komu þar öðru hvoru í höfn, en að öðru leyti var engin starfsemi á
vegum Garðarsfélagsins þetta ár.
Hinn 24. júlí 1899 var haldinn aðalfundur Garðarsfélagsins. C. B. Her-
mann mætti þar í umboði allra erlendu hluthafanna. Hlutur hvers hinna
þriggja íslensku stjórnarmanna var eitt þús. kr. Engar samþykktir fund-