Múlaþing: byggðasögurit Austurlands - 01.01.1995, Síða 167

SKÚLI GUÐMUNDSSON:
Ingimundur Jónsson frá Hlíð
Inngangur
Manntal það sem tekið var 1762 er ærið ófullkomið víðast hvar, þar
sem aðeins eru nafngreindir umráðamenn og eða ábúendur jarða, síðan
er skráður aldur konu, aldur og fjöldi barna, aldur og fjöldi ómaga ýmis-
konar og fjöldi hjúa. Er það samkvæmt formi því sem dönsk yfirvöld
létu í té til þessara nota. I nokkrum sóknum hafa teljarar þó skráð nöfn
allra heimilismanna ásamt aldri, og er það að sjálfsögðu fyllra og hægt
að hafa af því meiri not. I Stafafellssókn er þó allt útfært samkvæmt orð-
anna hljóðan - á dönsku.
Elsta prestþjónustubók Stafafellssóknar byrjar 1714 og nær til loka
ársins 1749. Er hún sérstaklega eignuð sr. Högna Sigurðssyni sem sat á
Stafafelli frá 1726 til 1750. Hún skarast þó í fyrstu við embættistíma for-
vera hans á Stafafelli, Guðmundar Magnússonar. Séra Högni er þó tal-
inn hafa verið fyrstur presta á íslandi sem skráði prestþjónustubækur, og
er ekki gott að vita hvernig á þessu misræmi stendur. Ærið var þessi bók
orðin slitin og svört af áranna áþján er hún var uppskrifuð eftir því sem
læsilegt var. í henni er að fá nokkra vitneskju um fólk í Lóni á þessurn
tíma, sem annars hefði verið horfið í gleymskunnar djúp. Bagalegt er
hins vegar að ekki er handbær á Þjóðskjalasafni bók sem hefði átt að
taka við af fyrrnefndri bók og ná til aldamótanna næstu, þ.e. 1800.
Vegna þessa skorts á heimildum nú um stundir er torvelt að fastsetja ár
og daga á þessu 50 ára tímabili, og raunar alls ekki hægt. Næsta prest-
þjónustubók byrjar með árinu 1802, og er hún þó slitrótt og vantar mörg
blöð næstu ár á eftir.
Eg mun hér á eftir vísa til númera í Ættum Austfirðinga til hægðar-
auka þeim sem kynnu að vilja glöggva sig nánar á ættum viðkomandi.
í Lónssveit
í Hlíð í Lóni 1762 býr Jón Pálsson, Snjólfssonar frá Firði (11454-