Tölvumál - 01.02.2008, Síða 25

Að mati SUT er með öllu óskiljanlegt
hversu erfitt virðist vera að framfylgja
tillögum um Þriðju stoðina þó að allir
hlutaðeigandi séu sammála um að til
mikils sé að vinna
Áætlanir gerðu til dæmis ráð fyrir
að skammtímaávinningur „Þriðju
stoðarinnar“ fyrir ríkið yrði um þrír
milljarðar króna og langtímaávinningur
mun meiri
skammtímaávinningur „Þriðju stoðarinnar“ fyrir ríkið yrði um þrír milljarðar
króna og langtímaávinningur mun meiri. Að mati SUT munu allir hagnast á
bættum starfsskilyrðum hátækniiðnaðarins, hvort sem það eru fyrirtækin í
geiranum, stjórnvöld eða almenningur í landinu.
Ný von kviknar
Í stefnuyfirlýsingu ríkisstjórnarinnar kemur m.a. fram að leggja beri aukna
áherslu á að efla hátækniiðnað á Íslandi. Þar segir að skapa skuli kjörskilyrði
fyrir áframhaldandi vöxt, útflutning og útrás íslenskra fyrirtækja. Einnig
má nefna að helstu markmið „Þriðju stoðarinnar“ eru mjög samhljóma
markmiðum um hátækniáratuginn sem Samfylkingin lagði áherslu á fyrir
kosningarnar sl. vor. Einnig var tekið undir ýmis baráttumál SUT í ályktunum
síðasta landsfundar Sjálfstæðisflokksins.
Allur þessi samhljómur vekur að sjálfsögðu von um að fljótlega verði hafist
handa við að hrinda tillögum „Þriðju stoðarinnar“ í framkvæmd svo og
öðrum góðum tillögum sem lagðar hafa verið fram til að efla hátækniiðnað
á Íslandi. Eins og segir í tilboðinu er það mat SUT að nauðsynlegt sé að
gera strax öflugt átak áður en það verður um seinan. Átakið felst í að vinna
upp forskot nágrannaþjóða okkar við að byggja upp upplýsingatækniiðnað
og ná drjúgum skerfi í sístækkandi markaði fyrir upplýsingatæknilausnir og
skapa ný störf. Eftir miklu er að slægjast. Alþjóðabankinn spáir að viðskipti
með upplýsingatækni geti numið um 30% af heimsviðskiptum ef horft er til
næstu 10­20 ára.
Hátæknivettvangur?
Í ljósi stefnuyfirlýsingar ríkisstjórnarinnar um að efla hátækniiðnað á Íslandi
hefur verið unnið að því innan Samtaka iðnaðarins undanfarið að gerður verði
samningur við stjórnvöld um stofnun svokallaðs samstarfsvettvangs um
uppbyggingu hátækniiðnaðar á Íslandi.
Meginhlutverk vettvangsins er að vinna á markvissan hátt að því að bæta
starfsskilyrði og stuðningsumhverfi hátæknifyrirtækja. Vettvangurinn ynni
að tillögugerð, mati og fjármögnun aðgerða og samstarfsverkefna til að ná
skilgreindum markmiðum. Fylgst verður með framvindu, árangur aðgerða
mældur og gerðar tillögur um nauðsynlegar úrbætur meðan á starfseminni
stendur. Það er von SUT að með slíkum vettvangi fengju verkefni og tillögur
Þriðju stoðarinnar öflugt brautargengi og tilboðinu frá 2005 yrði þar með
formlega tekið.
T Ö L V U M Á L | 2 5