Þjóðmál - 01.12.2011, Page 8

Þjóðmál VETUR 2011 7
I .
Þrír stjórnmálaflokkar hafa efnt til landsfunda undanfarnar vikur . Sjálf-
stæðisflokkurinn er hinn eini þeirra sem
hefur merkjanlega styrkt stöðu sína eftir
fundina ef marka má þjóðarpúls Gallup .
Um mánaðamótin nóvember/desember
hafði fylgi Sjálfstæðisflokksins aukist um
tvö prósentustig frá síðustu könnun mánuði
fyrr og mælst með 38% samkvæmt nýjum
þjóðarpúlsi . Hafði flokkurinn ekki mælst
með meiri stuðning síðan í febrúar 2008
í þann mund sem fréttir af vandræðum á
fjármálamörkuðum tóku að setja svip á
umræður um landsmálin .
Um 22% kjósenda styðja Samfylkinguna
sem er sama fylgi og flokkurinn hefur
notið á þessu ári og tæp 15% styðja
Framsóknarflokkinn sem dalar því aðeins
milli mánaða . Vinstri grænir (VG) eru á
niðurleið, fengu 14,5% í október en 13,5%
í nóvember . Stuðningur við VG hefur ekki
mælst minni síðan í júlí árið 2007 . Einungis
2% styðja Hreyfinguna, stuðningurinn nam
3% í október . Þeir sem segjast ætla að styðja
aðra flokka eru um 10% . Sú tala hefur ekki
breyst þrátt fyrir Guðmund Steingrímsson
og að áform hans um nýjan flokk hafi verið
mikið til umræðu . Tala þeirra sem ætla að
skila auðu eða láta hjá líða að kjósa nemur
15% sem er svipað hlutfall og áður .
Tölurnar sýna að það hefur síður en svo
skaðað Sjálfstæðisflokkinn að gengið var
til formannskjörs í flokknum á landsfundi
hans . Þvert á móti má færa fyrir því rök að
átökin innan flokksins og athyglin sem þau
vöktu hafi styrkt flokkinn . Hanna Birna
Kristjánsdóttir hélt vel á framboði sínu og
lagði sig fram um að vekja ekki óvinafagnað
Af vettvangi stjórnmálanna
_____________
Björn Bjarnason
Sjálfstæðisflokkur styrkist
— ríkisstjórn á bláþræði