Þjóðmál - 01.12.2011, Qupperneq 78

Þjóðmál VETUR 2011 77
ráðuneytisins til að aka Huang Nubo um
landið . Þeir Hjörleifur voru herbergisfélagar
á námsárum Hjörleifs í Kína . Vegna kynnis-
ferðarinnar með Huang ræddi dv.is við
Hjörleif og hann sagði hinn 4 . október
2010 að Huang hefði leitað til sín sem
„gamals vinar og kunningja“ . Þetta hefði
verið bíll í einn dag, til að „sýna manninum
eitthvað af landinu“ enda væri hann „að
leggja talsverða peninga í 10 ára samstarf
Íslands og Kína“ .
Á dv.is sagði:
Um er að ræða bílaleigubíl sem utanríkis-
ráðuneytið er með á leigu frá Bílaleigu
Akureyrar . Þangað sótti Hjörleifur bílinn,
Suzuki Vitara jeppling, á laugardagsmorgun
og á sunnudaginn ók hann um með vin sinn,
kínverskan athafnamann að nafni Huang
Nubo, til að sýna honum náttúru Íslands .
Ragnar Baldursson, starfsmaður í sendi ráði
Íslands í Peking, fylgdi Huang Nubo á ferð
hans um Ísland . Þeir Ragnar og Hjör leifur
fóru einnig með Huang á Norður pólinn
í apríl 2011 og hefur birst mynd af þeim
þar . Ljósmyndarinn er Halldór Jóhannsson,
arkitekt og talsmaður Huangs hér á landi .
Á blaðamannafundinum með Huang
í Peking 2 . september 2011 sagði Kristín
Árna dóttir: „Ég held að allt muni nú ganga
enn betur þegar Ísland er orðið að ferða-
manna stað .“
Í sjónvarpsfréttum RÚV hinn 3 . sept-
ember 2011 voru birtar myndir frá blaða-
mannafundinum . Þar mátti sjá Lúðvík
Berg vinsson, lögmann og fyrrverandi þing-
flokks formann Samfylkingarinnar, og Sigur-
vin Ólafsson lögmann . Þeir voru full trúar
frá lögmannsstofunni Bonafide lög menn
í Reykjavík og veittu Huang Nubo lög-
fræðilega ráðgjöf .
Í frétt Deutsche Welle sagði að auk kaup-
anna á Grímsstöðum á Fjöllum ætlaði Huang
að fjárfesta fyrir 140 milljónir evra á Íslandi
á næstu fjórum til fimm árum . Hann sagði
að hann vildi gjarnan sjá allt að 10 .000 gesti
koma árlega til gististaðar síns .
Í fréttinni var vitnað í Jonathan Holslag,
rannsóknarstjóra hjá Institute of Con temp-
orary China Studies í Brussel . Hann sagði:
„Þetta kann að vera einka framtak á Íslandi
en það fellur hins vegar vel að (kínverskri)
heildarstefnu um að ná tökum á strategískum
eignum erlendis, hvort heldur um er að ræða
land, hráefni eða þekkingu .“
Huang sagði í samtali við Reuters-frétta-
stofuna að vegna ummæla á borð við þau
sem Holslag hefði látið falla kynni hann
ekki að fá leyfi stjórnvalda í Peking til að
ljúka landakaupunum á Íslandi .
„Ríkisstjórnin kann að segja: Vinsamlega
farðu ekki, stofnaðu ekki til vandræða,“ sagði
Huang og vísaði til þess að fyrirtæki sitt þyrfti
samþykki kínversku ríkisstjórnar innar til að
kaupin gengju um garð . „Kannski hugsa
stjórnvöld: Vektu ekki upp neina óhamingju
í samskiptum Kína og Íslands . Þá hætti ég
bara við þetta,“ sagði hann einnig .
Þýska fréttastofan sagði að kannski fengi
stjórnin í Peking ekki tækifæri til að bregða
fæti fyrir kaupin, það kynni að verða gert
á Íslandi þar sem margir hefðu efasemdir
vegna þeirra . Það var meðal annars vitnað
í Jón Þórisson arkitekt . (Hann starfaði náið
með Evu Joly þegar hún var ráðgjafi ís-
lenskra stjórnvalda .)
„Mun víðtækt eignarhald þeirra veita þeim
aðstöðu til að beita pólitískum þrýstingi?“
spyr Jón þegar AP-fréttastofan ræddi við
hann . „Er hugsanlegt að við Íslendingar
endum sem leiguliðar í eigin landi?“
Deutsche Welle sagði að um væri að ræða
sölu á um 0,3% af íslensku landsvæði . Það
jafngilti því að í Þýskalandi seldi einhverjum
útlendingi landsvæði sem væri lítið eitt
stærra en borgin Hamborg .
Í lok fréttarinnar sagði að síðast hafi til-
r aun Kínverja til að eignast hluti erlendis
runnið út í sandinn árið 2005 þegar kín-