Orð og tunga - 01.06.1998, Síða 9

Formáli ritstjóra
Tímaritið Orð og tunga hefur að þessu sinni að geyma erindi sem flutt voru á
málþingi um almenna íslenska orðabók - stöðu og stefnumið. Málþingið var haldið 25.
október 1997 og stóðu að því, auk Orðabókar Háskólans, Orðmennt, félag áhugamanna
um orðabókafræði og Mál og menning.
Astæða þess, að þetta efni var valið, er sú að Mál og menning keypti árið 1992
útgáfurétt að Islenskri orðabók handa skólum og almenningi, sem Bókaútgáfa Menn-
ingarsjóðs hafði gefið út tvívegis undir ritstjórn Árna Böðvarssonar cand. mag. Nú hefur
verið hafist handa við endurskoðun á verkinu, meðal annars í samvinnu við Orðabók
Háskólans. Það þótti því áhugavert að efna til málþings um íslenska orðabók þar sem
rætt yrði um þann efnivið sem þegar er til, kosti hans og galla, og að hverju skuli stefnt
við þriðju útgáfu.
Árni Böðvarsson vann á sínum tíma brautryðjandastarf í gerð íslenskrar orðabókar
sem ætluð var skólum og almenningi. Fyrsta útgáfa birtist 1963 en önnur útgáfa, aukin
og bætt, tuttugu árum síðar. Frá þeirri útgáfu eru nú liðin fimmtán ár. Á þeim tíma hefur
almennur orðaforði aukist mjög og miklar breytingar orðið á sviði tækni og vísinda sem
ný útgáfa þarf að takast á við. Einnig hefur orðabókafræði eflst og unnið sér fastan sess
sem fræðigrein og aðrar kröfur eru gerðar til orðabóka en áður var.
Ákveðið var að fá fyrirlesara til að líta á efnið frá sem flestum sjónarhornum til þess
að áheyrendur gætu sem best gert sér ljóst við hvaða vandamál væri að fást og hvar
úrbóta væri þörf. Einnig var litið á efnisvalið sem veganesti fyrir Mál og menningu á
leið sinni til nýrrar útgáfu. Alls voru átta erindi flutt á ráðstefnunni og eru sjö þeirra
prentuð í heftinu.
Aftan við ráðstefnuerindin er birtur fyrirlestur sem prófessor Valerij P. Berkov flutti
um tvímála orðabækur á vegum Islenska málfræðifélagsins 3. október 1997.
Allur undirbúningur undir prentun Orðs og tungu 4 fór fram á Orðabók Háskólans
og var það verk í höndum Bessa Aðalsteinssonar.
vii
Guðrún Kvaran