Skagfirðingabók - 01.01.2010, Qupperneq 99

99
ÆSKUMINNINGAR FRÁ SAUÐÁRKRÓKI OG ÚR HEGRANESI
pabba sinn hlut í Hamri og fluttist
burt. Þessi tími var valinn til þess að
komast í áfangastað með ærnar, sem
voru komnar að burði. Þeir afi og
frændi höfðu á sínum tíma gefið okk­
ur krökkunum sína kindina hverju og
nú voru þetta einu kindurnar á bæn­
um ásamt þeim sem út af þeim voru
komnar og höfðu verið settar á. Helgi
afi hafði það fyrir sið öll árin sem hann
var á Hamri, að reka allar sínar kindur
fyrir burð út í Sléttuhlíð og láta þær
ganga þar yfir sumarið. Koma svo á
haustin með það sem hann setti á og
fóðra það á Hamri. Því voru ekki
marg ar skjátur til að hugsa um þetta
vorið. Aftur á móti þurfti ég að sjá um
að vinna á túninu, setja niður í kál­
garða og taka upp mó upp á mitt
eindæmi. Þetta var svalt og þurrkasamt
vor og mikið um sinubruna því nóg
var sinan eftir alla grassprettuna sum­
arið áður. Hvert sem litið var sáust
reykjarstrókar bera við loft og þegar
skyggja tók sáust eldtungur dansa í
rökkrinu vítt og breitt um sveitir.
Sökum þurrkanna hófst túnasláttur
með seinna móti. Pabbi var nú upp­
tekinn við byggingar út um allar
sveitir og kom aðeins heim sem gest­
ur. Við afi hjálpuðumst að við túna­
sláttinn sem lauk með seinna móti. Þá
var komið að engjaheyskapnum. En
nú var skarð fyrir skildi. Hólminn,
sem árið áður var vafinn í grasi, var nú
vart ljáberandi sökum grasleysis. Það
var helst á bökkunum að eitthvað urg­
aðist upp og svo sló ég suðurendann á
tjörninni og eitthvað í kílum.
Um vorið bar sú nýlunda við að
Búnaðarfélag Rípurhrepps festi kaup á
International járnhjóla dráttarvél
ásamt jarðvinnslutækjum, sem var
lát in ganga bæ frá bæ og vinna túnþýfi
og brjóta land til ræktunar. Vilhjálm­
ur á Brekkum (hálfbróðir pabba) var
með þessa vél og hafði farið á nám­
skeið til að læra að fara með hana. Hjá
okkur vann hún þúfnastykkin í túninu
og braut móana ofan við túnið upp að
klöppinni og stórt stykki á Kotinu.
Þetta þótti okkur strákum mikil upp­
lifun og fengum stundum að sitja á
hjólhlífinni hjá honum meðan hann
var að vinna. Meira að segja fékk ég að
stjórna þessu trölli og herfa flagið á
meðan Villi fór í mat. Það var engin
smá upphefð. Og nú fór allur hús­
dýraáburðurinn í þessi flög og líka
ókum við moldinni úr gamla bænum
Hróarsdalsbræður
við jarðvinnslu
á dráttarvélinni
í Hróarsdal.
Eig.: HSk.