Tímarit hjúkrunarfræðinga - 01.10.1998, Síða 25

Laura Sch. Thorsteinsson og Christer Magnússon,
hjúkrunarfræðingar á Sjúkrahúsi Reykjavíkur
'Fj AriAÁm til W.m'tAY’ApY'Ó'þ
HASKOLINN
A AKUREYHI
íslenskum hjúkrunarfræðingum gefst brátt aftur
kostur á að stunda nám til meistaragráðu í
hjúkrunarfræði við erlendan háskóla án þess að
þurfa að yfirgefa land og þjóð. Fjarnám hefst að
nýju í janúar 1999 við Háskólann á Akureyri í
samvinnu við Royai College of Nursing Institute
of Advanced Nursing Education í London, sem
er deild innan Manchesterháskóla í Bretlandi.
Nú, ertu í „mastersnámi“?
Það var með kvíðablandinni eftirvæntingu sem við tvö hófum
þetta sama nám í janúar 1997 ásamt 9 öðrum hjúkrunar-
fræðingum. Við erum iðulega spurð um námið. Fyrsta spurn-
ingin er oft: „I hvaða sérgrein ertu?" Næst verður viðmæl-
andinn svolítið vandræðalegur á svipinn, og þá vitum við að
hann ætlar að spyrja: „Er eitthvað varið í nám þar sem mað-
ur þarf ekki að fara til útlanda? Hvernig er að bara sitja heima
og lesa?“ Við viljum gera hér grein fyrir svörum okkar.
Uppbygging námsins - námsgreinar
Námið er fræðilegt nám, ætlað til að styrkja hjúkrunar-
fræðinga á fjórum meginsviðum, þ.e. sem sérfræðinga í
hjúkrun, rannsakendur, kennara og ráðgjafa.
í náminu fá nemendur m.a. tækifæri til að efla hæfni
sína sem sérfræðingar og leiðtogar. Þar sem um fullorðins-
fræðslu er að ræða fá nemendur stuðning til að geta sjálfir
stýrt námi sínu.
Námið er uppbyggt þannig að hægt ér að taka það á 2-
5 árum og því er mögulegt að sinna vinnu að hluta til
jafnframt því. Byrjað er á námsgreinunum rannsóknarheim-
speki, umfjöllun um kenningar og rannsóknaraðferðir. Síðan
taka við greinarnar ráðgjöf, leiðtogahlutverkið og sérfræð-
ingshlutverkið (advanced practice). í öllum námsgreinum er
skilað verkefnum. Ekki eru kenndar neinar raunvísinda- eða
læknisfræðilegar greinar eins og lífeðlisfræði eða sjúkdóma-
fræði heldur er ætlast til þess að hver og einn leiti sjálfur
þekkingar sem þarf til að leysa verkefni, til dæmis í sér-
fræðingsnámskeiðinu. Tímanum er skipt nokkuð jafnt milli
námsgreina, þó með áherslu á rannsóknarhlutverkið.
Hápunktur námsins er síðan lokarannsóknin. Reiknað er
með að sú vinna taki u.þ.b. ár í hlutanámi og fær hver
nemandi eigin leiðbeinanda. Þar sem um er að ræða
fjarnám, sem byggist á eigin vinnuframlagi nemenda, þarf
að beita umtalsverðum sjálfsaga til að árangur náist. í
upphafi hvers námskeiðs liggur Ijóst fyrir hvenær á að skila
verkefnum og frestur er ekki framlengdur nema mjög góðar
og gildar ástæður séu fyrir hendi og sækja þarf skriflega um
frest. Nemendur fá í hendur tímaáætlun og vinnuáætlun
með hverri námsgrein þar sem settar eru fram tillögur um
hvernig best sé að vinna að hverju verkefni.
Námsgögn
Nemendur fá námsgögn í upphafi hvers námskeiðs, bæði
„Study Guide", sem eru n.k. skriflegir fyrirlestrar eða um-
fjöllun um viðkomandi námsefni, svo og fjölda greina um
efnið ásamt lista yfir frekara lesefni. Mjög ýtarlegar leið-
beiningar fylgja varðandi verkefnavinnslu, bæði hvað varðar
umfang og uppsetningu. Þá fá nemendur í hendur „Rro-
gramme Handbook" með ýmsum hagnýtum upplýsingum.
Leiðsögn og samvinna
Nemendur hitta leiðbeinanda í hverju námskeiði a.m.k.
þrisvar meðan á námskeiðinu stendur í hópumræðum um
námsefnið. Þess utan geta nemendur hvenær sem er sent
leiðbeinanda tölvupóst með spurningum og vangaveltum,
ekki hvað síst um verkefnavinnslu, og leiðbeinendur svara
einu sinni í viku. Leiðbeinendur hafa allir verið íslenskir en
námsefnið er á ensku og öllum verkefnum er skilað á
ensku en tveir háskólakennarar og einn prófdómari í
Bretlandi fara yfir verkefnin auk leiðbeinanda. Nemendur
hafa myndað smærri hópa eftir búsetu og áhugasviði og
hafa hist reglubundið og rætt námsefnið og námið, sótt
stuðning hver til annars og skipst á bókum og greinum.
Mat
Það er mat okkar, sem höfum haft þá ánægju að stunda
þetta nám undanfarið eitt og hálft ár, að það sé mjög gott.
Öll umgjörð þess er í föstum skorðum. Ákveðnar reglur
eru í gildi og vel gerð grein fyrir þeim í upphafi. Námsefni
er faglegt og vandað. Leiðbeinendur hafa verið frábærir og
samnemendur hjálplegir og skemmtilegir. Mikil viðbrigði
voru að sitja svo klukkustundum skipti í einu við lestur
fræðigreina. Aðaláhyggjuefni okkar, fyrir utan að eiga eftir
eitt námskeið og Ijúka sjálfri lokarannsókninni, er hvernig
við getum viðhaldið og aukið við það sem við höfum nú
lært. Enn á ný hafa hin gömlu sannindi reynst rétt, að því
meira sem maður lærir, því betur sér maður hve lítið maður
veit.
Tímarit hjúkrunarfræðinga • 4. tbl. 74. árg. 1998
217