Tímarit hjúkrunarfræðinga - 01.07.1999, Qupperneq 43

European Forum of Nurses.
European Forum of Nurses er samstarfsvettvangur
evrópskra félaga hjúkrunarfræðinga og evrópskra sérfræði-
samtaka hjúkrunarfræðinga. Er stefnt að því að halda áriegt
samráðsþing þessara aðila í tengslum við PCN fundi.
Með auknu erlendu samstarfi gefast fleiri tækifæri til að
koma þekkingu og reynslu íslenskra hjúkrunarfræðinga á
framfæri. Félagið sendi að þeiðni ICN lista yfir sérfróða
íslenska hjúkrunarfræðinga á ýmsum sviðum sem sam-
tökin hafa hugsað sér að leita til eftir atvikum. Einnig hefur
stjórn félagsins komið íslenskum hjúkrunarfræðingum á
framfæri til fyrirlestrahalds á erlendum ráðstefnum á
vegum þeirra samtaka sem félagið á aðild að.
Reglur stjórnar félagsins um styrki til fagdeilda félagsins
hafa verið til umfjöllunar og endurskoðunar á starfstíma-
bilinu. Vegna taps félagsins á árinu 1997 og þess að
umsóknir fagdeilda vegna erlends samstarfs voru umfram
fjárhagsáætiun árið 1997 var ákveðið að þrengja reglur um
úthlutun styrkja til fagdeilda vegna þessa fyrir árið 1998,
þannig að hver deild fengi styrk annað hvert ár. í
fjárhagsáætlun fyrir árið 1999 var gert ráð fyrir verulega
auknu fé til þessara hluta. Alls sóttu 11 fagdeildir um styrki
fyrir árið 1999 vegna erlends samstarfs, vegna
norrænna/alþjóðlegra ráðstefna á viðkomandi fagsviði á
íslandi eða vegna sérstakra verkefna á vegum fagdeildar.
2. Kjara- og réttindamál
Markmið 1:
Að kjör hjúkrunarfræðinga taki mið af menntun, sérhæfni
og ábyrgð og að þau séu sambærileg við kjör annarra
háskólamanna.
Fljótlega eftir síðasta fulltrúaþing félagsins, eða 9. júní
1997, var skrifað undir nýjan kjarasamning milli Félags
íslenskra hjúkrunarfræðinga annars vegar og fjármálaráð-
herra fyrir hönd ríkissjóðs, Reykjavíkurborgar, St.
Franciskusspítala og Reykjalundar hins vegar.
Samningar félagsins höfðu verið lausir frá áramótum
eða í rúma fimm mánuði og samningaviðræður höfðu
staðið frá því í lok nóvember eða í næstum sjö mánuði.
Samningurinn gildir frá 1. maí 1997 til 31. október 2000.
Helstu atriði nýs kjarasamnings voru eftirfarandi:
• Kjarasamningsbundin hækkun launa að lágmarki um
20-22% að meðaltali á samningstímabilinu.
• Nýr kafli um vinnutíma sem byggist m.a. á efnisákvæð-
um samnings milli BHM, BSRB, ASÍ og fjármálaráðu-
neytisins um vinnutíma auk vinnutímatilskipunar
Evrópusambandsins.
• Nýtt launakerfi fyrir hjúkrunarfræðinga sem tók gildi 1.
febrúar 1998.
Áður en ákveðið var að semja um nýtt launakerfi
Fundur um kjaramál á Sjúkrahúsi Reykjavíkur í febrúar
1998.
ræddu stjórn og samninganefnd Félags íslenskra hjúkr-
unarfræðinga við fjölmarga hópa hjúkrunarfræðinga um
kosti og galla hugsanlegs nýs launakerfis. Niðurstaða
samninganefndar félagsins af þessum umræðum var sú
að það myndi þjóna hagsmunum hjúkrunarfræðinga að
fara yfir í nýtt launakerfi. Lögð var áhersla á það í samn-
ingaviðræðunum að fá yfirlýsingu atvinnurekenda um það
að gerð verði sérstök úttekt á áhrifum nýs launakerfis á
launamun karla og kvenna á samningstímanum. Félagið
mun ganga eftir því að slík úttekt verði gerð fyrir lok samn-
ingstímabilsins.
Nýtt launakerfi:
Markmið með nýju launakerfi voru meðal annars eftirfar-
andi samkvæmt kjarasamningnum:
• Að auka sveigjanleika launakerfisins og draga úr
miðstýringu í launaákvörðunum.
• Skilvirkara launakerfi sem tekur mið af þörfum og
verkefnum stofnana og starfsmanna.
• Að hækka hlut dagvinnulauna meðal annars með að
minnka vægi sjálfvirkra tilfærslna, svo sem vegna
starfsaldurs.
• Að fela stofnunum útfærslu og daglega framkvæmd
kjarasamninga.
Þessu til viðbótar setti Félag íslenskra hjúkrunarfræð-
inga sér það markmið að nýtt launakerfi bætti í heild kjör
hjúkrunarfræðinga með því að skapa ný tækifæri og nýja
möguleika til launahækkana á viðkomandi vinnustöðum.
í nýja launakerfinu ráðast laun hjúkrunarfræðinga að
stórum hluta á viðkomandi vinnustað og geta því verið
mismunandi milli stofnana, deilda og einstaklinga. Félagið
hefur nú þegar gert fleiri tugi aðlögunarnefndarsamninga
um allt land sem eru jafn misjafnir og þeir eru margir. ( þeim
er oftast kveðið á um ákveðna lágmarksröðun starfsheita
en síðan eru yfirleitt einnig ákvæði um að meta skuli
sérstaklega bæði störf og starfsmenn áður en ákvörðun
um launaröðun er tekin. í mörgum samningum hjúkrunar-
fræðinga eru ákvæði um að tekið skuli upp svokallað
187
Tímarit hjúkrunarfræðinga • 3. tbl. 75. árg. 1999