Tímarit hjúkrunarfræðinga - 01.08.2008, Blaðsíða 12

Ingibjörg J. Friðbertsdottir, ingibjorgfr@hotmail.com
QIGONG
gömul fræði í nýju hlutverki
í meira en 5000 þúsund ár hafa Kínverjar notað qigong til heilsueflingar. Geta
hjúkrunarfræðingar nýtt þau verðmæti sem búa í aldagömlum aðferðum til að
bæta líðan og lífsgæði skjólstæðinga sinna?
Hvað er qi?
Grundvöllur qigong er hugmyndin um
orku (qi) og orkuflæði. Þessar hugmyndir
eru'margbrotnar og korria með.ólíkum
hætti við sögu í menningu, trúarbrögðum,
mataræði, heilsufari og daglegum
háttum Kínverja í margar aldir. Ein leið til
útskýringar gerir grein fyrir þrenns konar
qi - qi himinhvolfsins, jarðarinnar og
einstaklingsins. Qi himinhvolfsins hefur
með að gera orku sólar, reikistjarna,
tungls og veðurfars, qi jarðarinnar er
nátengt og hefur með að gera strauma
sjávar, aðdráttarafl og aðra orku jarðar.
Qi mannsins fjallar um orku sem maðurinn
hefur innra með sér eða fær úr umhverfi
sínu. Megináhersla qigong er á innri orku
mannsins og flæði hennar (Yang, 2003).
Innri orka mannsins á sér ólíkar rætur. Hluti
þeirrar orku er meðfæddur og mótast af
orku foreldra og athöfnum þeirra á meðan
á meðgöngu stendur. Þannig er talið að
heilbrigt mataræði, heilbrigðir lífshættir
og gott kynlíf á meðgöngutímabili hafi
jákvæð áhrif á innri orku barnsins.
Meðfædda orku má styrkja og efla með
hugleiðslu og heilbrigðu líferni. Hægt
er að sækja sér orku í umhverfið og
auka þannig orkuflæði, rætur slíkrar orku
eru í náttúrunni (himinn og jörð) og í
hollu mataræði. Öguð ástundun qigong
eflir orkuna og stýrir flæði hennar um
líkamann. Orku mannsins má skipta í
undirflokka. Talað er um öndunarorku
sem er sú orka sem við tökum inn með
önduninni og fæðuorku sem við tökum
inn með fæðunni. Rætt er um innri orku
sem alla þá orku sem berst um líkamann
og ytri orku sem líkaminn gefur frá sér
og hægt er að nýta til að hafa jákvæð
áhrif á orku annarra einstaklinga. Rætt
er um verndandi orku sem orkuhjúp
sem umlykur og verndar mannslíkamann
(Cohen, 1997).
í líkama mannsins eru þrjár orkustöðvar
samkvæmt hugmyndum qigong.
Orkustöðvarnar kallast dan tian
- aðalorkustöðin er neðst, í botni
kviðarholsins, miðorkustöðin í brjósthæð
og efsta orkustöðin í höfðinu, ofan
augna. Þessar orkustöðvar vista orku
og eru stjórnstöðvar hvað varðar flæði
orkunnar um líkamann (Cohen, 1997).
Með ástundun qigong er orkunni beint
um líkamann til hreinsunar og heilunar.
Skilgreining á qigong
Meginhugmynd qigong er að skapa
jafnvægi og eðlilegt fiæði orku um
líkamann. Óhindrað flæði orku heldur
líkama og huga heilbrigðum - skortur,
ofgnótt eða óeðlilegt flæði orku veldur
10
Tímarit hjúkrunarfræðinga - 3. tbl. 84. árg. 2008