Tímarit hjúkrunarfræðinga - 01.08.2008, Blaðsíða 27

Eyrún Ólafsdóttir, eyrunola@landspitali.is
HÓPFRÆÐSLA FYRIR SJÚKLINGA Á LEIÐ í AÐGERÐ
- fyrirkomulag á bæklunarskurölækningadeildum LSH
Á Landspítala (LSH) eru árlega framkvæmdar u.þ.b. 350 gerviliðsaðgerðir. Hver
aðgerð skiptir sköpum varðandi lífsgæði einstaklingsins sem í hana fer auk þess
sem hún kostar þjóðfélagið mikla fjármuni. Því er mikilvægt að vel sé að málum
staðið varðandi undirbúning þessara aðgerða.
Á bæklunarskurðlækningadeildum LSH
(deildir A-5 og B-5 í Fossvogi) er boðið
upp á hópfræðslu fyrir sjúklinga á leið í
gerviliðsaðgerðir. í þessari grein verður
sagt frá fyrirkomulagi fræðslunnar.
Þátttakendur: Frá því í janúar árið 2001
hafahjúkrunarfræðingarábæklunarskurð-
lækningadeildum LSH verið með
hópfræðslu fyrir þá einstaklinga sem
fara í gerviliðsaðgerð á mjöðm eða hné.
Fræðslan er haldin einu sinni í mánuði
og stendur hún til boða því fólki sem
kalla á inn í aðgerð næsta mánuðinn.
Þátttakendur hafa verið á bilinu 10-30
manns í hvert skipti, aðallega verðandi
sjúklingar en einnig nánir aðstandendur.
Flestir koma af höfuðborgarsvæðinu en
auk þess hefur fólk komið af Suður- og
Vesturlandi.
Markmið: Markmiðið með fræðslunni er að
bæta þjónustuna á bæklunarskurðlækn-
ingadeildunum, minnka kvíða sjúklinga
fyrir aðgerð og undirbúa þá eins vel og
hægt er með því að koma á framfæri til
þeirragagnlegum upplýsingum. Fræðslan
er auk þess mikilvægur liður í því að
veita sífellt markvissari og árangursríkari
meðferð og undirbúning fyrir útskrift.
Fyrirkomulag: í lok hvers mánaðar er
þeim einstaklingum, sem væntanlegir
eru inn til aðgerðar næsta mánuðinn,
sent persónulegt bréf þar sem þeim er
boðið að sækja fræðsluna. Venjan hefur
verið sú að fræðslan er haldin fyrsta
fimmtudag í mánuði, rétt eftir hádegi, í
fundarsal á LSH - Fossvogi. Yfirleitt er
boðið upp á vatn, kaffi og kex. Fræðslan
tekur einn til einn og hálfan klukkutíma.
Innihald: Auk hjúkrunarfræðings sjá
sjúkraþjálfari og iðjuþjálfi um hluta
fræðslunnar. Fræðslan fer fram á formi
framsögu með PowerPoint, sýnikennslu á
myndbandi, afhentir eru fræðslubæklingar
og að lokum eru umræður og spurningum
svarað. Fræðsluþættirnir snúa aðallega
að því hvað fer fram og við hverju
fólk megi búast á mismunandi stigum
ferlisins, allt frá innritun og undirbúningi
til útskriftar og endurhæfingar.
Árangur: Árangurinn af fræðslunni hefur
ekki enn verið vísindalega metinn. Hins
vegar hefur fólk látið í Ijós mikla ánægju og
þakklæti fyrir að þvi' hafi verið boðin fræðsla.
Skjólstæðingarnir eru að flestra mati betur
undirbúnir en áður og það er síður að fólki
komi eitthvað á óvart eins og t.d. hversu
fljótt það er útskrifað eftir aðgerðina.
Tímarit hjúkrunarfræðinga - 3. tbl. 84. árg. 2008
25