Tímarit hjúkrunarfræðinga - 01.08.2008, Blaðsíða 49

Elísabet H Árnadóttir, elisabea@landspitali.is
ÞANKASTRIK
ÁBYRGÐ OKKAR Á KJARASAMNINGUM
Við hjúkrunarfræðingar getum sennilega verið sammála um
það að við sinnum starfi okkar af alúð og ábyrgð. Við berum
ábyrgð á skjólstæðingum okkar og aðstandendum. Tökum
ábyrgð á mönnunarvanda sjúkrahúsa og stöndum langar vaktir
vegna þess að okkur finnst við bera ábyrgð á því að einhver
sinni okkar skjólstæðingum.
„Það er á okkar ábyrgð að gefa
skýr skilaboð með því að taka
afstöðu til kjarasamninga."
Erum við eins dugleg að taka ábyrgð á eigum kjörum? Finnst
okkur við bera ábyrgð á þeim kjarasamningi sem við nú
störfum undir?
Það er víst að ríkt hefúr megn óánægja hjá okkur
hjúkrunarfræðingum með iaunakjörin síðan samið vár árið
2005 og mikil orka farið í að skeggræða þau í býtibúrum
landsins. Þrátt fyrir gríðarlegan skort á hjúkrunarfræðingum er
ríkið, okkar stærsti viðsemjandi, ekki þekkt fyrir það að vilja
greiða okkur mannsæmandi laun. Ekki getum við borið ábyrgð
á því. En það er á okkar ábyrgð að gefa skýr skilaboð með því
að taka afstöðu til kjarasamninga.
Tölur frá liðnum árum sýna hve sterk ábyrgðarkennd okkar er
þegar kemur að því að greiða atkvæði.
Ár Hlutfall félagsmanna
1994 59.4%
1996 39%
1997 50.1%
2001 (a) 67% (felldir)
2001 (b) 59%
2005 49%
Á kjörskrá 2005 voru 2024 félagsmenn, 993 greiddu atkvæði.
812 sögðu já og 171 sögðu nei, 10 seðlar voru auðir og ógildir.
Þetta eru tölur sem tala fyrir sig sjálfar. Ekki skiptir máli hvað
samið er um, hvort samningar eru skýrir eða ekki.
Við höfum kosningarrétt, það er á okkar ábyrgð að nota hann.
Stofnanasamningur er ekki á okkar ábyrgð, um hann er
ekki hægt að kjósa, því miður. En það er á okkar ábyrgð
að fara í framgang eins oft og mögulegt er. Ég skal vera
manna fyrst til að viðurkenna að framgangskerfið á LSFI er
meingallað. Ég hélt reyndar fyrst að
það væri verið að segja mér lélegan
brandara þegar hann var kynntur
fyrir mér. Átti ég að sitja og mæra
sjálfa mig á mörgum biaðsíðum til
þess eins að yfirmaður minn, sem
þekkir mig vel af daglegum verkum
mínum, færi yfir þetta og lokaorðið
hefði sviðsstjórinn minn sem þekkir
mig ekki neitt? Og í ofanálag er
ekki nóg að vinna vinnuna sína vel
Eiísabet h Árnadóttir heldur skorarðu mest ef þú tekur
að þér verkefni sem oft eru unnin
í eigin frítíma. Þetta þvældist lengi fyrir mér og það tók mig
sex mánuði að skila mínum fyrsta framgangi. Það skilaði mér
heilmiklu þar sem ég hafði raðast lágt í byrjun. Sá árangur
vakti mig til umhugsunar og ég ákvað að ríkið skyldi ekki aftur
græða á þrjósku minni.
„Ég ákvað að ríkið skyldi ekki aftur
græða á þrjósku minni.“
Það er á mína ábyrgð að nota það kerfi sem í boði er til að
hækka mín lágu laun. Fullkomnunarárátta má ekki hindra að
við notum ófullkomið kerfi.
Við ættum frekar að reyna að finna eitthvað betra fyrirkomulag
og ekki semja af okkur réttinn til að hafa áhrif á eigin laun,
hversu lítil sem að þau áhrif eru.
Trúnaðarmenn eru tengiliðir milli félagsmanna Félags íslenskra
hjúkrunarfræðinga og forráðarmanna stofnana annars vegar
og milli félagsmanna og stjórnar Ffh/svæðisdeildar hins vegar.
Trúnaðarmenn gerðu könnun fyrir Fíh í byrjun maí. Aðeins
rétt rúmlega 30% félagsmanna svöruðu könnuninni. Þetta er
umhugsunarvert og því bendi ég á að það er á ábyrgð allra
hjúkrunarfræðinga að það sé trúnaðarmaður á þeirra deild.
Trúnaðarmennirnir bera síðan ábyrgð á því að taka starf sitt
alvarlega og sinna því vel.
Kæru hjúkrunarfræðingar.
Hættum að bera heilu stofnanirnar á herðunum og tökum
ábyrgð á því sem að snýr að okkur og okkar réttindum.
Kjósum um kjarasamninga, förum í framgang og sjáum til þess
að það sé virkur trúnaðarmaður á okkar deildl!
Ég skora á Bríeti Birgisdöttur, hjúkrunarfræðing á gjörgæslunni
í Fossvogi, að skrifa næsta þankastrik.
Elísabet H Árnadóttir
Tímarit hjúkrunarfræðinga - 3. tbl. 84. árg. 2008
47