Tímarit hjúkrunarfræðinga - 01.08.2008, Blaðsíða 38

KJARABARÁTTA
Baráttufundur á Grand Hótel 30. júní.
Bak við kjarasamninginn við ríkissjóð, sem undirritaður var 9. júlí sl., liggur
margra mánaða sleitulaus vinna. Margir félagsmenn hafa komið að þeirri
vinnu. Hér er sagt frá vinnu við kjarasamninginn eftir að mótun kröfugerðar
byrjaði seint sl. haust.
Á liðnum vetri voru haldnir fjölmargir
morgunverðarfundir þar sem kjaramál
voru hluti þess sem rætt var. Eins fóru Elsa
B. Friðfinnsdóttir, formaður Fíh, Cecilie
Björgvinsdóttir, verkefnastjóri kjara- og
réttindamála, og Unnur Þormóðsdóttir,
formaður kjaranefndar, í fundarherferð
um landið á vetrarmánuðum. Tilefnið
var að kynna félagsmönnum hvað hafði
áunnist í síðustu kjarasamningum, kynna
kjarakönnun sem gerð var af kjaranefnd
Fíh, fara yfir næstu skref í samningamálum
og til þess að fá upplýsingar um
væntingar og kröfur félagsmanna til
næstu samninga.
Kjaranefnd Fíh hafði áður farið yfir
kjarasamninga félagsins og gert kjara-
könnun sem yfir 600 hjúkrunarfræðingar
tóku þátt í. Allt þetta lagðist svo saman og
varð gott veganesti við gerð kröfugerðar
Fíh sem lögð var fram á fyrsta fundi Fíh
með samninganefnd ríkisins (SNR).
Samninganefnd og félagsmenn Fíh höfðu
miklar væntingar til komandi samninga,
ekki hvað síst vegna stefnuyfirlýsingar
ríkisstjórnar Sjálfstæðisflokksins og
Samfylkingarinnar frá 2007 um að minnka
óútskýrðan kynbundinn launamun
um 50% hjá ríkisstarfsmönnum á
kjörtímabilinu. Endurmeta átti sérstaklega
kjör kvenna hjá hinu opinbera og einkum
þeirra stétta þar sem konur eru í miklum
meirihluta. Lofað var einnig að leita leiða
til þess að draga úr launamun milli
opinberra starfsmanna og launþega á
almennum vinnumarkaði í samvinnu við
aðila vinnumarkaðarins. Hingað til hefur
ríkisstjórnin lítið gert til þess að uppfylla
þessi loforð.
Samningaviðræður fara af stað
Samninganefnd Fíh tók formlega til
starfa 18. febrúar sl. og hófust samninga-
36
Tímarit hjúkrunarfræðinga - 3. tbl. 84. árg. 2008