Tímarit hjúkrunarfræðinga - 01.08.2008, Blaðsíða 29

GAMLARPERLUR
en í Noregi hefir hann sem kunnugt
verið mjög langur. Kvörtunin hafði komið
frá sjúkrasamlögunum vegna óeðlilega
mikilla veikinda í hjúkrunarstéttinni, og því
var bætt við að hjúkrunarkonur gæfust
þó ekki upp fyr en í síðustu lög. Yfirvöldin
könnuðust við, að það væri skömm
að því hve kraftar hjúkrunarkvennanna
hefðu verið misnotaðir, en hugsjónir
þeirra gerðu, að þær hefðu ekki kvartað
og féllu heldur í valinn. Skýrsla kom frá
yfirlækni í Bergen, þar sem hann skýrði
frá því hve margar hjúkrunarkonur hættu
starfinu og tækju upp önnur störf, vegna
ofþreytu o. fl. o. fl.
Fyrir skömmu fékk eg bréf frá norskri
hjúkrunarkonu, og segir hún að nú
sé kominn 8 stunda vinnudagur á öll
sjúkrahús, sem tilheyri Oslobæ.
Eg vann um tíma á taugadeildinni á
Ullevál Sykehus. Einn af læknunum þar
var dr. Karl Evang. Hann skrifaði grein
um þetta leyti í læknablaðið um vinnudag
og kjör hjúkrunarkvenna. Grein þessi
vakti mikla athygli og umtal.
Arnold Bennett lætur ungu konuna,
sem er að skilja við manninn sinn í
„Accident" segja: „Fyrsta skyldan er
gagnvart sjálfri mér“. Og afturhaldssami,
gamli Englendingurinn hann tengdafaðir
hennar, viðurkennir með sjálfum sér eftir
mikla umhugsun, að eiginlega hafi hún á
réttu að standa.
Það er skylda einstaklingsins, svo
framarlega sem hann hefir tök á að
hugsa um heilsu sína, bæði sjálfs síns
vegna og þjóðfélagsins í heild sinni, því
að hinn hrausti gegnir undir venjulegum
kringumstæðum störfum sínum betur,
sjálfum sér og öðrum til ánægju, en
hinn lasburða verður aftur öðrum til
byrði, sjálfum sér og öðrum til ama.
- Finney segir: „Sjúkdómur er synd;
maðurinn á engan rétt á því að verða
veikur". Emerson segir: „Heilsan er
fyrsti auðurinn". Montaigue segir: „Að
deyja úr elli er sjaldgæfur, einstakur og
óvenjulegur dauðdagi." „Prevention is
better than cure“. Það mun sannast, að
heillavænlegra verður að stofna ekki heilsu
sinni í voða ef hjá verður komist, og þegar
öllu er á botninn hvolft þá verður það
líka kostnaðarminna fjárhagslega séð,
bæði fyrir einstaklingana og þjóðfélögin,
eins og hver og einn getur séð með
skynsamlegri athugun.
Þegar eg stundaði hjúkrunarnám við
Bispebjergspítala var vinnutíminn þar
9 stundir dagvakt, 12 st. næturvakt,
þ.e. frá 7-7, 2 stunda hvíld, 1/2
stund til morgunverðar, 1/2 stund til
miðdegisverðar. Þetta mun hafa verið
venjulegur vinnutími á bestu spítölunum
um langt skeið.
Þegar eg var á Medical Centre New
York 1928, var þar innleiddur 8 stunda
vinnutími, bæði dag og nótt, fyrir
hjúkrunarnema, en sami vinnutími fyrir
hjúkrunarkonur, eins og á Bispebjerg.
Að gamni vil eg geta um vinnulag á
heilsuhæli vestur við Kyrrahafsströnd þar
sem eg starfaði, en þar voru eingöngu
útlærðar hjúkrunarkonur. Þar var talinn
81/2 stunda vinnutími. Við byrjuðum kl. 7
1/2 , 2 stunda hvíld, 1/2 stund miðdag,
1/2 stund kvöldverður. Ein átti frí frá 1-7
e. m. og vann aftur frá 7-10 1/2 e.m.
Næturvakt vann frá 10 1/2 - 7 1/2.
Þegar talað er um vinnutíma er ekki hægt
að reikna matmálstíma þar í. Allir vita
hve óholt er að gleypa í sig matinn, þess
vegna ættu hjúkrunarkonur altaf að hafa
1/2 stund til snæðings. Heppilegast er
að hafa hvíldartíma eftir aðalmáltíð. Dýrin
leggjast á meltuna og mannlíkaminn vill
hafa sitt. En svo kemur, hvernig á að
verja frístundunum skynsamlega. Það
er spurning út af fyrir sig, sem ekki
verður farið út í hér, vegna tímaskorts.
Shakespeare segir: „Það er hægra að
kenna 20 heilræði, en fara eftir einu
þeirra".
Að endingu vil eg leyfa mér að setja fram
svohljóðandi ályktun: Hæfileg stytting
vinnutímans leiðir til meiri starfsorku og
þar af leiðandi betri vinnu. Hún stuðlar
að betra heilsufari, sem verður gróði fyrir
einstaklingana og þjóðfélögin í heild sinni.
Með auknum frístundum verður betra
tækifæri til persónulegra áhugamála og
þekkingar á öðrum sviðum, en þekkingin
eykur skilning, sem er hin sanna
fullkomnun.
FRÉTTAPUNKTUR
Hjúkrunarþing 6.-7.
nóvember 2008
Hjúkrunarþing Félags íslenskra
hjúkrunarfræðinga verður haldið
á Grand Hótel í Reykjavík 6. og
7. nóvember nk. Hjúkrunarþing er
haldið að jafnaði annað hvert ár.
Þar er fjallað um stefnu félagsins í
málefnum hjúkrunar og er það opið
öllum félagsmönnum. Á þinginu
verður fjallað um möguleika sem
lög um heilbrigðisþjónustu frá 2007
hafa opnað hjúkrunarfræðingum
til sjálfstæðs rekstrar og aó
taka að sér afmarkaða þætti
innan heilbrigðisþjónustunnar.
Rætt verður einnig um hlut-
verk hjúkrunarfræðinga í stefnu-
mótun í hjúkrunar- og heilbrigðis-
þjónustunni. Lagt verður upp
úr góðum fyrirlestrum og virkni
þátttakenda í umræðu- og vinnu-
hópum. Hjúkrunarþingið verður
auglýst nánar síðar.
Hjúkrunarfræðingar, sem vilja hafa
áhrif á stefnumótun félagsins, eru
hvattir til að mæta.
Tímarit hjúkrunarfræðinga - 3. tbl. 84. árg. 2008
27