Morgunblaðið - 09.02.2017, Síða 12

12 DAGLEGT LÍF
MORGUNBLAÐIÐ FIMMTUDAGUR 9. FEBRÚAR 2017
Ljósmyndir/Elín Laxdal
Nánd Mariana í tangósveiflu með argentínska kennaranum Walter Perez, í sinni fyrstu Íslandsheimsókn á 10 ára afmæli Tangóævintýrafélagsins á tangóhátíðinni Tango Solstice Retreat 2016.
Kristín Heiða Kristinsdóttir
khk@mbl.is
Ég kynntist Íslandi ígegnum Helen Halldórs-dóttur, íslenska konu ogtangódansara, sem bjó
lengi í heimaborg minni í Argentínu,
Buenos Aires. Þar er hún vel þekkt
innan tangósamfélagsins og hún
stóð fyrir tangódanskvöldum þar.
Hún gengur undir nafninu Helen La
Vikinga og hún átti þátt í því að mér
var ásamt tveimur öðrum argen-
tínskum kennurum boðið að koma
hingað í fyrra til að halda tangó-
námskeið á tangóhátíðinni Tango
Solstice Retreat 2016 í tilefni af tíu
ára afmæli Hins íslenska tangó-
ævintýrafélags,“ segir Mariana Do-
campo, argentínskur tangókennari,
sem kom öðru sinni til Íslands nú í
janúar til að leiðbeina Íslendingum í
gegnum tangósporin hjá Tangó-
ævintýrafélaginu. Vinkona hennar
Rut Ríkey Tryggvadóttir er einn af
stofnendum þess.
„Tangóævintýrafélagið er fé-
lagasamtök sem hafa það að mark-
miði að efla dansmenninguna í
Reykjavík. Við höldum úti dans-
kvöldum, eða milongum, tvisvar í
viku, og hver sem er getur komið á
þessi danskvöld, enda er megin-
markmið okkar að gera tangó að-
gengilegan fyrir alla. Fólk getur
komið án dansfélaga, sem skiptir
miklu máli. Það er einstaklega auð-
velt að eignast vini í tangó, þetta er
eins og ein stór fjölskylda,“ segir
Rut.
Brýtur upp kynjahlutverk
Rut segir það hafa verið til-
viljun að hún fór að dansa tangó, fyr-
ir meira en áratug.
„Ég frétti af jólaballi hjá
Tangófélaginu í Iðnó og skellti mér.
Og það varð ekki aftur snúið, þar
kviknaði óbilandi áhugi og ég fór
strax að læra tangó, bæði hér heima
og í Danmörku. Síðan hef ég verið að
flakka um heiminn til að læra og
dansa tangó, og meðal annars farið
til Buenos Aires, tangóborgarinnar
miklu, þar sem ég heimsótti auðvitað
Mariönu,“ segir Rut, en tangóinn
kom með svipuðum hætti inn í líf
Mariönu fyrir meira en tuttugu ár-
um.
„Ég fór á tangókvöld heima í
Buenos Aires og féll fyrir þessum
dansi og hef ekki stoppað síðan. Ég
lærði fyrst hinn hefðbundna tangó-
dans konunnar í tangó, sem lætur
dansfélagann leiða sig inn í dansinn.
En svo tók ég þetta á annað plan og
stofnaði tangósamfélag fyrir hinseg-
in fólk, þar sem fólk skiptir um hlut-
verk í tangóinum. Hugmynd mín er
að nota tangódansinn til að opna
fólk, fá það til að koma út úr skápn-
um og vera það sjálft. Það er mjög
hollt að brjóta upp hin skýru kynja-
hlutverk í hinum hefðbundna tangó,
þar sem karlinn er stjórnandinn en
konan fylgir.“
Gefa sig á vald dansfélaga
Mariana segir að tangó fyrir
hinsegin fólk sé þónokkuð öflug
hreyfing í Argentínu og einnig í Evr-
ópu. „Þetta hefur hjálpað til í bar-
áttu fyrir réttindum hinsegin fólks
en hér á Íslandi er allt svo opið og
frjálst að fólk þarf ekki tangó til að
opna sig,“ segir hún og hlær.
„Við erum tvö sem stöndum
vikulega fyrir milonga-kvöldum fyr-
ir hinsegin fólk heima í Buenos Ai-
res. Við skipuleggjum líka sérstakar
hátíðir því við erum hluti af al-
þjóðlegu neti hinsegin fólks í tangó.
Við ferðumst um Argentínu með
tangókvöld fyrir hinsegin fólk og
einnig til Evrópu og Ástralíu,“ segir
Mariana og bætir við að það að
dansa tangó sé aldrei eins í tveimur
löndum.
„Mér finnst Argentínubúar,
Ítalir og Tyrkir vera líkastir í dans-
inum, þeir dansa af mikilli ástríðu og
tilfinningahita. Það er ekki verra eða
betra hvernig þeir dansa, heldur
ólíkt öðrum þjóðum. Ég held að
munur á fólki í dansi hafi líka að
gera með veðrið þar sem fólk elst
upp, hér á Íslandi er kalt og fólk er
meira inni. Í tangó þarf fólk að vera
tilbúið að gefa sig alfarið á vald
dansfélaganum, og í kaldari löndum
er fólk á einhvern hátt lokaðra og á
ekki eins auðvelt með það og fólk í
suðrænum löndum. Einmitt þess
vegna er mjög gott fyrir Norður-
landabúa að hella sér í heitan tangó,
það er mikilvægt að hitta aðra
manneskju með þessari líkamlegu
snertingu,“ segir Mariana.
Félagsskapurinn dýrmætur
Rut segir að henni finnist suð-
rænt fólk ólíkt okkur norræna fólk-
inu í dansinum, það sé opnara og tjái
sig meira með líkamanum.
„Það er ekki hrætt við að
snerta, sem er stundum reyndin hér
í norðri. Í suðrænum löndum dansar
fólk tangó með mikilli líkamlegri
nánd, þetta er mesti munurinn sem
ég finn í dansinum við þessar ólíku
þjóðir. Það er frábært að hitta ein-
hvern sem talar ekki sama tungumál
og maður sjálfur, en ná samt strax
saman í gegnum dansinn. Tangó er
leið til að tala saman, með öðru en
tungumálinu. Það er alveg sérstök
tenging sem myndast við þetta og
hún er vissulega ólík eftir því við
hvern er dansað hverju sinni,“ segir
Rut og bætir við að það sem gerist í
tangó sé mjög sterkt.
„Enda er þetta mjög líkamlegur
dans, en hann gerir líka svo mikið
fyrir sálina. Og félagsskapurinn er
afar dýrmætur. Fyrir mig er tangó
örlög mín. Sama hvað mætir mér í
daglega lífinu, þá fer ég að dansa
tangó.“
Dapurleg örlög kvenna
Þær Rut og Mariana segja
tangó henta einkar vel til að láta fólk
ná saman, af því að í honum er þétt
faðmlag, náin snerting.
„Að dansa tangó er á vissan
hátt andlegt ferðalag. Parið í tangó,
karlinn og konan, eru hin sterku
tákn fyrir tangódansinn, svo það er
ögrandi og skemmtilegt að brjóta
þessi hlutverk upp, þar sem kona
dansar við konu og karl dansar við
karl. Allir dansa við alla. Það er
nauðsynlegt innlegg í baráttu hin-
segin fólks í mannlega samfélaginu í
Argentína,“ segir Mariana.
Hún bætir við að textinn í
tangósöngvunum sé mjög gildis-
hlaðinn og fjalli gjarnan um karl-
mann sem hatar konu sem hefur yf-
irgefið hann, en móðir hans er eina
sanna ástin hans.
„Konurnar í þessum söngvum
hljóta yfirleitt afar dapurleg örlög,
af því að þær vilja vera frjálsar. Í
lokin eru þær oft orðnar vændis-
konur á götunni. Tangólögin fjalla
líka um einhleypar konur sem aldrei
finna rétta manninn, og fyrir mig
sem er hinsegin þá er sérstakt að
dansa við lög sem innihalda slíka
texta sem eru ekki í neinu samhengi
við líf mitt,“ segir hún og hlær.
Mariana segir að nú orðið dansi
alls ekki allir tangó í heimalandi
hennar Argentínu.
„Tangó var mjög almennur í
Argentínu um miðja tuttugustu öld-
ina, á árunum í kringum 1940, það
var gulltímabilið. Þá dönsuðu nánast
allir tangó, þegar afi minn og amma
voru upp á sitt besta, og þau kunnu
að dansa tangó án þess að hafa
nokkurn tíma farið í danstíma. Núna
er þetta breytt, tangósporin eru orð-
in háþróuð og fólk þarf helst að fara
til kennara til að læra að ná tökum á
þeim. Tangó er ekki lengur vinsæll
dans í Argentínu, hann er orðinn
dans miðstéttarinnar.
En tangó er svo miklu meira en
dans, það er menningin í kringum
hann sem er hluti af okkur Argent-
ínubúum.“
Að dansa tangó er andlegt ferðalag
Þær kolféllu báðar fyrir tangó fyrir margt löngu, hvor í sínum heimshluta, og hafa
dansað hann um víða veröld síðan. Hin íslenska Rut og argentínska Mariana eru
sammála um að tangó sameini fólk og opni það. Mariana var í sinni annarri Ís-
landsheimsókn nýlega, til að leiðbeina Frónbúum við tangósporin. Henni fannst
ævintýri líkast að lenda í snjóbyl og ófærð á Öxnadalsheiðinni.
Morgunblaðið/Árni Sæberg
Tangósjúkar Þessar vinkonur í dansinum létu rigningu og vetrarskóbúnað
ekki aftra sér frá því að taka nokkur tangóspor úti í garðinum við safnið.
Morgunblaðið/Árni Sæberg
Vinkonur Mariana og Rut í garðinum við Listasafn Einars Jónssonar, þar
sem þær dönsuðu tangó ásamt fleirum á kveðjukvöldi fyrir Mariönu.
Tólf tangóbörn á fjórum árum
Rut segir að tangóinn hafi verið
eins og sáluhjálp fyrir þjóð í áfalli,
þegar hrunið reið yfir Ísland. „Þá
fjölgaði þeim sem komu til okkar í
Tangóævintýrafélagið til að prófa
tangó. Og enginn talaði um hrunið,
dansinn var eins og helgistund.“ Og
það gerist margt fallegt innan
Tangóævintýrafélagsins, þar hafa
orðið til nokkur pör og börn. „Mér
finnst það rómantískt að þónokkur
hópur af ungu fólki hefur fundið lífs-
förunauta sína innan hópsins og átt
saman börn. Á síðustu fjórum árum
hafa fæðst tólf tangóbörn. Þetta er
barnasprengja, ný og upprennandi
kynslóð tangófólks. Sonur minn
kynntist sinni áströlsku eiginkonu í
dansinum og þau hafa eignast saman
tvö börn,“ segir Rut sem bauð Mar-
iönu með sér í ferðalag norður, svo
Mariana fengi að sjá meira af Íslandi
en Reykjavík. Sú ferð í janúar-
mánuði hér í norðri var ævintýri lík-
ust fyrir hina suðrænu Mariönu.
„Ísland er svo sérstakt, veðrið
hérna breytist oft á dag. Á leiðinni
suður lentum við í snjóbyl og festum
okkur á Öxnadalsheiði, en allt fór vel
að lokum. Við vorum átta tíma á leið-
inni frá Akureyri til Reykjavíkur og
mér fannst aðdáunarvert hvernig Ís-
lendingarnir tókust á við þessar að-
stæður og hjálpuðust að.“
Tangókvöld hjá Tangóævintýra-
félaginu: Milongur með kynning-
artíma á Sólon mánud. kl. 20 - 23.
Æfingar á sunnud. á Hressó kl. 18 -
20. Á mánud. er alltaf kynning-
artími klst. áður en milonga hefst,
þá getur fólk fengið tangókennslu.
www.tangoadventure.com
Facebook: tangoadventure