Morgunblaðið - 09.02.2017, Page 32

32 FRÉTTIRInnlent
MORGUNBLAÐIÐ FIMMTUDAGUR 9. FEBRÚAR 2017
ÚR BÆJARLÍFINU
Skapti Hallgrímsson
Akureyri
Brjálað veður var á suðvesturhorn-
inu í gær en blíða nyrðra stærstan
hluta dagsins. Á Akureyri var tólf
stiga hiti um miðjan dag en í um það
bil klukkutíma hvessti þá mjög
hressilega svo sjór gekk á land við
Torfunef í miðbænum.
  
Svo hvasst var um miðjan dag
að ljósastaurar á lóð menningar-
hússins Hofs svignuðu og einn féll á
hliðina.
  
Mikið er nú byggt í miðbænum á
Akureyri og meira stendur til. Eins
og greint var frá í blaðinu síðastlið-
inn sunnudag verða byggð tvö hótel
á næstu árum, annars vegar á Sjalla-
reitnum og hins vegar á reit sem
kenndur er við Drottningarbraut,
skammt norðan Samkomuhússins.
Mörg íbúðarhús eru nú í byggingu á
sama reit.
  
Framkvæmdum við lagna- og
gatnagerð á Drottningarbrautar-
reitnum, sunnan Bautans, lauk í
sumar og þá var þegar í stað hafist
handa við byggingu íbúðarhúsanna.
Ásýnd miðbæjarins breytist töluvert
við þetta, íbúar við Hafnarstræti og
fleiri voru afar ósáttir og mótmæltu
uppbyggingu en höfðu ekki erindi
sem erfiði.
  
Þrjú fjölbýlishús rísa á svæðinu
sunnan við Bautann, 16 íbúðir í
hverju. Undir húsinu verður hálf-
niðurgrafinn bílakjallari og garður á
þakinu.
  
Nýr leikskóli verður að öllum lík-
indum tekinn í notkun í Hlíðahverfi
á næstu árum. Tilkynnt var í fyrra
að Hlíðarbóli, sem Hvítasunnusöfn-
uðurinn rekur, yrði lokað í sumar
vegna niðurskurðar hjá bænum og
líklegt er að nýr leikskóli verði
byggður við Glerárskóla eða jafnvel
rekinn í núverandi húsnæði hans.
  
Gert er ráð fyrir 230 milljónum
króna í fjárhagsáætlun vegna
endurnýjunar og viðbyggingar við
Glerárskóla á næstu þremur árum.
  
Akureyri hefur gert nýjan samn-
ing við ríkið um öryggisvistun ósak-
hæfra einstaklinga. Hann varðar
greiðslur velferðarráðuneytisins
fyrir vistunina, sem bæjarfélagið
hefur sinnt fyrir ráðuneytið frá
2013.
  
Eiríkur Björn Björgvinsson
bæjarstjóri og Þorsteinn Víglunds-
son, félags- og jafnréttisráðherra,
undirrituðu nýja samninginn. Mark-
mið þjónustunnar er meðal annars
að sinna öryggisgæslu vistaðra ein-
staklinga með það fyrir augum að
koma í veg fyrir að þeir valdi sjálf-
um sér eða öðrum skaða eða tjóni.
Einnig er þeim veitt aðstoð og leið-
sögn í samræmi við aldur, þroska,
styrkleika og þarfir, svo sem í fé-
lagsfærni, samskiptum, sjálfstjórn
og öðrum þáttum sem teljast viðeig-
andi og nauðsynlegir fyrir velferð
þeirra og vellíðan, að því er segir í
tilkynningu.
  
Haraldur Ingi Haraldsson, bæj-
arlistamaður á Akureyri, opnaði í
gær málverkasýninguna Rat Race í
Gallerý H sem er til heimilis á Ver-
aldarvefnum nr. 91, eins og segir í
tilkynningu. Til þess að fá aðgang að
sýningunni er hægt að fara inná síð-
una http://hingi.weebly.com/ og sýn-
ingargesturinn er þá staddur í Gall-
ery H í tölvunni sinni, símanum eða í
spjaldtölvunni.
  
Á sýningu Haraldar eru 19 mál-
verk unnin á síðasta eina og hálfa ári
og hafa þau ekki verið sýnd í sýning-
arsal áður, enda unnin sérstaklega
fyrir þessa sýningu. „Verkin eru
pólitísk og frásagnarleg og fjalla
öðru fremur um hættulegustu far-
sóttina sem plagað hefur mann-
kynið: græðgi og valdafíkn,“ segir
Haraldur í tilkynningu.
  
Þjóðlagasveitin Kólga verður
með tónleika á Græna hattinum í
kvöld. Kólga var stofnuð haustið
2014, hún á nú orðið töluvert af
frumsömdu efni og stefnt er að
plötuútgáfu á þessu ári.
  
Emmsjé Gauti verður svo með
tónleika á Græna hattinum á laugar-
dagskvöldið.
Ljósmynd/Þorgeir Baldursson
Austurbrú Framkvæmdir við fjölbýlishús á Drottningarbrautarreit í miðbænum. Nýja gatan ber heitið Austurbrú.
Mikil uppbygging í miðbænum
Aðalfundur Icelandair Group hf. verður haldinn föstudaginn 3. mars 2017
á Hilton Reykjavík Nordica og hefst klukkan 16:00.
DAGSKRÁ FUNDARINS
1. Skýrsla stjórnar félagsins um starfsemi þess síðastliðið starfsár.
2. Staðfesting ársreiknings og tekin ákvörðun um hvernig fara skuli með hagnað
eða tap félagsins á reikningsárinu.
3. Ákvörðun um þóknun til stjórnarmanna.
4. Tillögur félagsstjórnar um starfskjarastefnu.
5. Kosning stjórnar félagsins.
6. Kosning endurskoðanda.
7. Heimild til að kaupa eigin hlutabréf.
8. Önnur mál löglega fram borin.
Réttur hluthafa til að fá mál sett á dagskrá hluthafafundar og kosning
Hver hluthafi á rétt á því að fá ákveðin mál tekin til meðferðar á hluthafafundi ef
hann gerir um það skriflega eða rafræna kröfu til félagsstjórnar með það löngum
fyrirvara að unnt sé að taka málið á dagskrá fundarins sem lögð verður fram
tveimur vikum fyrir fundinn. Þannig skulu óskir hluthafa liggja fyrir eigi síðar en
kl. 16:00 föstudaginn 17. febrúar 2017. Nánari upplýsingar er að finna á heimasíðu
félagsins, www.icelandairgroup.is/agm
Á hluthafafundum fylgir eitt atkvæði hverri einni krónu í hlutafé. Eigin bréf félagins
njóta ekki atkvæðisréttar.
Atkvæðaseðlar og fundargögn verða afhent á fundarstað.
Hluthafar sem ekki eiga kost á að sækja fundinn geta veitt öðrum skriflegt umboð
eða greitt atkvæði skriflega. Þeim hluthöfum sem hyggjast nýta sér annan hvorn
þessara kosta er bent á að kynna sér hvernig þeir skuli bera sig að á heimasíðu
félagsins. Þar er að finna leiðbeiningar um skráningu og form skjala og hvernig þeim
skuli skilað til félagsins.
Aðrar upplýsingar
Öll skjöl sem lögð verða fyrir aðalfundinn, þ.m.t. ársreikningur félagsins, tillögur að
samþykktabreytingum og allar aðrar tillögur, eru hluthöfum tiltæk á heimasíðu
félagsins frá og með 10. febrúar 2017 kl. 16:00.
Endanleg dagskrá verður birt á heimasíðu félagsins tveimur vikum fyrir fundinn,
17. febrúar 2017 kl. 16:00.
Hluthöfum er bent á að skv. 1. og 2. mgr. 63. gr. a. hlutafélagalaga skal tilkynna skriflega,
minnst fimm dögum fyrir hluthafafund, um framboð til stjórnar. Skal framboðstilkynningum
skilað til stjórnar í síðasta lagi sunnudaginn 26. febrúar 2017 kl. 16:00.
Tilkynnt verður um framkomin framboð eigi síðar en tveimur dögum fyrir aðalfundinn.
Allar nánari upplýsingar um aðalfundinn er að finna á vefsíðu félagsins,
www.icelandairgroup.is/agm
Reykjavík, 8. febrúar 2017.
Stjórn Icelandair Group hf.
ÍS
L
E
N
S
K
A
S
IA
.I
S
IC
E
83
32
7
02
/1
7
AÐALFUNDUR
ICELANDAIR GROUP HF.